aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sawalon mein KHud bhi hai Dubi udasi

Alok Mishra

sawalon mein KHud bhi hai Dubi udasi

Alok Mishra

MORE BYAlok Mishra

    savāloñ meñ ḳhud bhī hai Duubī udāsī

    kahīñ le na Duube mujhe bhī udāsī

    shab-o-roz chaltī hai pahlū se lag kar

    gale paḌ ga.ī ek ziddī udāsī

    fazāoñ rañgat nikharne lagī hai

    huī shaam phir dil meñ lauTī udāsī

    zarā chāñd kyā aayā merī taraf ko

    sitāroñ ne jal-bhun ke oḌhī udāsī

    shabistāñ meñ ġham na sham.eñ jalāo

    kahīñ jaag jaa.e na soī udāsī

    zarā der logoñ meñ khul kar hañsī phir

    sar-e-bazm āñkhoñ se Tapkī udāsī

    use yaad thī kal tārīḳh shāyad

    sisaktī rahī le ke hichkī udāsī

    jamī thī mire sard siine meñ kab se

    tapish ke ashkoñ pighlī udāsī

    katartī hai dil ke shajar ye ḳhushiyāñ

    tirī yaad hai gilahrī udāsī

    kabhī ham the jin duāoñ meñ shāmil

    unhīñ tak na pahuñchī hamārī udāsī

    tirī yaad ke ab nishāñ tak nahīñ ham

    magar dil meñ rahtī hai ab bhī udāsī

    nigāhoñ meñ hadd-e-nazar tak hai raqsāñ

    udāsī udāsī udāsī udāsī

    sawalon mein KHud bhi hai Dubi udasi

    kahin le na Dube mujhe bhi udasi

    shab-o-roz chalti hai pahlu se lag kar

    gale paD gai ek ziddi udasi

    fazaon ki rangat nikharne lagi hai

    hui sham phir dil mein lauTi udasi

    zara chand kya aaya meri taraf ko

    sitaron ne jal-bhun ke oDhi udasi

    shabistan mein gham ki na shamen jalao

    kahin jag jae na soi udasi

    zara der logon mein khul kar hansi phir

    sar-e-bazm aankhon se Tapki udasi

    use yaad thi kal ki tariKH shayad

    sisakti rahi le ke hichki udasi

    jami thi mere sard sine mein kab se

    tapish pa ke ashkon ki pighli udasi

    katarti hai dil ke shajar ki ye KHushiyan

    teri yaad hai ya gilahri udasi

    kabhi hum the jin ki duaon mein shamil

    unhin tak na pahunchi hamari udasi

    teri yaad ke ab nishan tak nahin hum

    magar dil mein rahti hai ab bhi udasi

    nigahon mein hadd-e-nazar tak hai raqsan

    udasi udasi udasi udasi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now