sham ke maskan mein viran mai-kade ka dar khula
shaam ke maskan meñ vīrāñ mai-kade kā dar khulā
baab guzrī sohbatoñ kā ḳhvāb ke andar khulā
kuchh na thā juz ḳhvāb-e-vahshat vo vafā is ahd kī
raaz itnī der kā is umr meñ aa kar khulā
ban meñ sargoshī huī āsār-e-abr-o-bād se
band-e-ġham se jaise ik ashjār kā lashkar khulā
jagmagā uTThā añdhere meñ mirī aahaT se vo
ye ajab us but kā merī aañkh par jauhar khulā
sabza-e-nau-rasta kī ḳhushbū thī sāhil par 'munīr'
bādaloñ kā rañg chhatrī kī tarah sar par khulā
sham ke maskan mein viran mai-kade ka dar khula
bab guzri sohbaton ka KHwab ke andar khula
kuchh na tha juz KHwab-e-wahshat wo wafa is ahd ki
raaz itni der ka is umr mein aa kar khula
ban mein sargoshi hui aasar-e-abr-o-baad se
band-e-gham se jaise ek ashjar ka lashkar khula
jagmaga uTTha andhere mein meri aahaT se wo
ye ajab us but ka meri aankh par jauhar khula
sabza-e-nau-rasta ki KHushbu thi sahil par 'munir'
baadalon ka rang chhatri ki tarah sar par khula
Source:
Rooh-e-Ghazal,Pachas Sala Intekhab (Pg. 508)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
