shayad bahut ziyaada bhala ho gaya hun main

shāyad bahut ziyāda bhalā ho gayā huuñ maiñ

is shahr ke liye hī nayā ho gayā huuñ maiñ

laġhzish huī jo mujh se to Thokar lagī magar

girte hī phir sañbhal ke khaḌā ho gayā huuñ maiñ

merā ishāra āḳhirī saf meñ namāz paḌh

bachcha ye kah rahā hai baḌā ho gayā huuñ maiñ

jis qāfile ke saare musāfir the sust-gām

us qāfile se ḳhud hī judā ho gayā huuñ maiñ

sab log DhūñD DhūñD ke māyūs ho ga.e

gumnām aadmī kā pata ho gayā huuñ maiñ

is mulk kī salāmatī mujh ko hai ab 'azīz

rishiyoñ kī sūfiyoñ kī du'ā ho gayā huuñ maiñ

mujh meñ samo ke rahne meñ ab terī ḳhair hai

tere badan kī band-e-qabā ho gayā huuñ maiñ

shayad bahut ziyaada bhala ho gaya hun main

is shahr ke liye hi naya ho gaya hun main

laghzish hui jo mujh se to Thokar lagi magar

girte hi phir sanbhal ke khaDa ho gaya hun main

mera ishaara aaKHiri saf mein namaz paDh

bachcha ye kah raha hai baDa ho gaya hun main

jis qafile ke sare musafir the sust-gam

us qafile se KHud hi juda ho gaya hun main

sab log DhunD DhunD ke mayus ho gae

gumnam aadmi ka pata ho gaya hun main

is mulk ki salamati mujh ko hai ab 'aziz

rishiyon ki sufiyon ki du'a ho gaya hun main

mujh mein samo ke rahne mein ab teri KHair hai

tere badan ki band-e-qaba ho gaya hun main