shab-charagh kar mujhko ai KHuda andhere mein
shab-charāġh kar mujh ko ai ḳhudā añdhere meñ
saañp ban ke Dastā hai rāsta añdhere meñ
ā.īna ujālā hai zaat kā havāla hai
phir bhī kis ne dekhā hai ā.īna añdhere meñ
lekin ab bhī raushan haiñ ḳhvāb merī ā.ankhoñ ke
chāñd to kahīñ jā kar so gayā añdhere meñ
jab bhī band kiiñ āñkheñ khul ga.iiñ mirī āñkheñ
raushnī se guzrā huuñ bārhā añdhere meñ
aadmī kī qismat bhī āgahī kī qismat bhī
ibtidā añdhere se intihā añdhere meñ
apne ilm par 'shabnam' naaz kyā kare koī
ik qadam ujāle meñ dūsrā añdhere meñ
shab-charagh kar mujh ko ai KHuda andhere mein
sanp ban ke Dasta hai rasta andhere mein
aaina ujala hai zat ka hawala hai
phir bhi kis ne dekha hai aaina andhere mein
lekin ab bhi raushan hain KHwab meri aaankhon ke
chand to kahin ja kar so gaya andhere mein
jab bhi band kin aankhen khul gain meri aankhen
raushni se guzra hun barha andhere mein
aadmi ki qismat bhi aagahi ki qismat bhi
ibtida andhere se intiha andhere mein
apne ilm par 'shabnam' naz kya kare koi
ek qadam ujale mein dusra andhere mein
Source:
Funoon (Monthly) (Pg. 426)
- Author: Ahmad Nadeem Qasmi
-
- Edition: 25Edition Nov. Dec. 1986
- Publisher: 4 Maklood Road, Lahore
- Year of Publication: 25Edition Nov. Dec. 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
