shab-e-firaq mein mere wo baal-o-par katar gaya

shab-e-firāq meñ mire vo bāl-o-par katar gayā

parind us kī yaad kā na.ī uḌaan bhar gayā

yahāñ pe ḳhuun bah gayā vahāñ pe laash gir paḌī

na jaane kaun shaḳhs thā safar tamām kar gayā

kisī kī niiñd TūTtī koī to raat jāgtā

isī nagar meñ raat ko kisī kā ḳhvāb mar gayā

na tā.eroñ kā ġhol hī hamārī chhat pe aa rukā

na apne ghar ke sāmne vo kārvāñ Thahar gayā

vo dopahar guzar ga.ī vo sar ke baal jhaḌ ga.e

'ayāz' itnī der meñ hamārā din guzar gayā

shab-e-firaq mein mere wo baal-o-par katar gaya

parind us ki yaad ka nai uDan bhar gaya

yahan pe KHun bah gaya wahan pe lash gir paDi

na jaane kaun shaKHs tha safar tamam kar gaya

kisi ki nind TuTti koi to raat jagta

isi nagar mein raat ko kisi ka KHwab mar gaya

na taeron ka ghol hi hamari chhat pe aa ruka

na apne ghar ke samne wo karwan Thahar gaya

wo dopahar guzar gai wo sar ke baal jhaD gae

'ayaz' itni der mein hamara din guzar gaya