شب غم عیش کا مژدہ سنانے کون آتا ہے
شب غم عیش کا مژدہ سنانے کون آتا ہے
یہ میرے آنسوؤں میں مسکرانے کون آتا ہے
ٹھہر سکتا نہیں سینے میں جب دل مضطرب ہو کر
سکوں بن کر مرے پہلو میں جانے کون آتا ہے
کچل دیتی ہے جب احساس کو سنجیدگی غم کی
شرارت سے مرا دل گدگدانے کون آتا ہے
بھیانک تیرگی میں غم کی جب دم گھٹنے لگتا ہے
چراغ کشتۂ عشرت جلانے کون آتا ہے
شب غم دل پہ چھا جاتا ہے جب اک حزن بے خوابی
نشاط روح بن بن کر سلانے کون آتا ہے
وفور یاس کر دیتا ہے جب لبریز غم دل کو
خوشی بن کر مرے دل میں سمانے کون آتا ہے
اجل کے تیز قدموں کی جب آہٹ آنے لگتی ہے
بہ انداز مسیحائی سرہانے کون آتا ہے
مرا دل ڈوبنے لگتا ہے جب غم کے سمندر میں
مری کشتی کو ساحل سے لگانے کون آتا ہے
نظر آتا ہے جس میں عشرت ماضی کا مستقبل
مجھے اس خواب غمگیں سے جگانے کون آتا ہے
مأخذ:
Kulliyat-e-bismil Saeedi (Pg. 80)
- مصنف: Bismil Saeedi
-
- اشاعت: 2007
- ناشر: Sahitya Akademi
- سن اشاعت: 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
