shab-e-hijr yuuñ dil ko bahlā rahe haiñ
ki din bhar kī biitī ko dohrā rahe haiñ
mire dil ke TukḌe kiye jā rahe haiñ
mohabbat kī tashrīh farmā rahe haiñ
mirā dard jā hī nahīñ saktā tauba
ḳhudā.ī ke da.ave kiye jā rahe haiñ
hañsī aane kī baat hai hañs rahā huuñ
mujhe log dīvāna farmā rahe haiñ
ajab shai hai soz-o-gudāz-e-mohabbat
ki dil jalne meñ bhī maze aa rahe haiñ
usī bevafā paas phir kuchh umīdeñ
liye jā rahī haiñ chale jā rahe haiñ
zideñ tauba tauba haTeñ allāh allāh
hamīñ haiñ jo is dil ko bahlā rahe haiñ
mirī raat kyuuñ kar kaTegī ilāhī
mujhe din ko taare nazar aa rahe haiñ
na āġhāz ulfat kā achchhā thā 'manzar'
na anjām achchhe nazar aa rahe haiñ
shab-e-hijr yun dil ko bahla rahe hain
ki din bhar ki biti ko dohra rahe hain
mere dil ke TukDe kiye ja rahe hain
mohabbat ki tashrih farma rahe hain
mera dard ja hi nahin sakta tauba
KHudai ke dawe kiye ja rahe hain
hansi aane ki baat hai hans raha hun
mujhe log diwana farma rahe hain
ajab shai hai soz-o-gudaz-e-mohabbat
ki dil jalne mein bhi maze aa rahe hain
usi bewafa pas phir kuchh umiden
liye ja rahi hain chale ja rahe hain
ziden tauba tauba haTen allah allah
hamin hain jo is dil ko bahla rahe hain
meri raat kyun kar kaTegi ilahi
mujhe din ko tare nazar aa rahe hain
na aaghaz ulfat ka achchha tha 'manzar'
na anjam achchhe nazar aa rahe hain
Source:
ManzaristanáDeewan-e-Manzarâ (Pg. ebook-70 page-69)
-
Author:
Syed Jafar Husain Manzar Lakhnawi
-
- Edition: 1962
- Publisher: Shiri Tulshi Ram Vesh
- Year of Publication: 1962
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.