aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

shab-e-mah mein jo palang par mere sath soe to kya hue

Ahmad Husain Mail

shab-e-mah mein jo palang par mere sath soe to kya hue

Ahmad Husain Mail

MORE BYAhmad Husain Mail

    shab-e-māh meñ jo palañg par mire saath so.e to kyā hue

    kabhī lipTe ban ke vo chāñdnī kabhī chāñd ban ke judā hue

    hue vaqt-e-āḳhirī mehrbāñ dam-e-avvalīñ jo ḳhafā hue

    vo abad meñ aa ke gale mile jo azal meñ ham se judā hue

    ye ilāhī kaisā ġhazab huā vo samā.e mujh meñ to kyā hue

    mirā dil bane to taḌap ga.e mirā sar bane to judā hue

    chale saath saath qadam qadam koī ye na samjhā ki haiñ baham

    kabhī dhuup ban ke lipaT ga.e kabhī saaya ban ke judā hue

    abhī haiñ zamāne se be-ḳhabar rakhā haath rakkhe ye laash par

    uTho bas uTho kahā maan lo mirī kyā ḳhatā jo ḳhafā hue

    haiñ ajiib murġh-e-shikasta-par na chaman meñ ghar na qafas meñ ghar

    jo gire to saaya haiñ ḳhaak par jo uThe to mauj-e-havā hue

    vo araq araq hue jis ghaḌī mujhe umr-e-ḳhizr atā huī

    shab-e-vasl qatre pasīne ke mire haq meñ āb-e-baqā hue

    kabhī shakl-e-ā.ina rū-ba-rū kabhī tuutī aur kabhī guftugū

    kabhī shaḳhs ban ke gale mile kabhī aks ban ke judā hue

    na tajalliyāñ haiñ na garmiyāñ na sharārteñ haiñ na phurtiyāñ

    hama-tan the din ko to shoḳhiyāñ hama-tan vo shab ko hayā hue

    mire naale haiñ ki azal abad tire ishve haiñ ki lab-e-masīh

    vahāñ kun ġhalġhala vo bane yahāñ qum ye jo sadā hue

    gire zaat meñ to hai jumla-ūst uThe jab sifat meñ hama-az-dast

    kahā kaun ho to mile rahe kahā naam kyā to judā hue

    kiye us ne bazm meñ sho.abde malī mehñdī haath pe sham.a ke

    jo patañge raat ko jal ga.e vo tamām murġh-e-hinā hue

    mire dil ke dekho to valvale ki har ek rañg meñ milī

    jo ghaTe to un dahan bane jo baḌhe to arz-o-samā hue

    vahī farsh-o-arsh-nashīñ rahe hue naam alag jo kahīñ rahe

    ga.e dair meñ to sanam bane ga.e lā-makāñ to ḳhudā hue

    jo tasavvur un judā huā dil be-ḳhabar ne ye sadā

    abhī ham-baġhal the kidhar ga.e abhī god meñ the vo kyā hue

    kabhī sozisheñ kabhī āfateñ kabhī ranjisheñ kabhī rāhateñ

    milīñ chaar ham ko ye ne.amateñ tire ishq meñ jo fanā hue

    hameñ shauq ye ki ho ek taur use zauq ye ki ho shakl aur

    bane aag to bujhe aab meñ mile ḳhaak meñ to havā hue

    ga.e sar se jabki vo tā-kamar to alif idhar huā udhar

    tirā joḌā khulte baal sab pas-e-pusht aa ke balā hue

    koī dab gayā koī mar gayā koī pis gayā koī miT gayā

    tire ishve se jab se falak bane tire ġhamze jab se qazā hue

    mujhe gudgudī se ġhash aa gayā to hilā ke shāna yahī kahā

    abhī hañste the abhī mar ga.e abhī kyā the tum abhī kyā hue

    kaho kāfiroñ se kareñ ḳhushī ki ye mas.ala hai tanāsuḳhī

    mire naale ḳhaak meñ jab mile to subū ke dast-e-duā hue

    pas-e-vasl ham jo sarak ga.e to vo khilkhilā ke phaḌak ga.e

    kahā shoḳhiyoñ ne chalo haTo ki huzūr tum se ḳhafā hue

    tumheñ log kahte haiñ naujavāñ ki ho biis tiis ke darmiyāñ

    kaho mujh se 'mā.il'-e-ḳhush-bayāñ vo tumhāre valvale kyā hue

    shab-e-mah mein jo palang par mere sath soe to kya hue

    kabhi lipTe ban ke wo chandni kabhi chand ban ke juda hue

    hue waqt-e-aKHiri mehrban dam-e-awwalin jo KHafa hue

    wo abad mein aa ke gale mile jo azal mein hum se juda hue

    ye ilahi kaisa ghazab hua wo samae mujh mein to kya hue

    mera dil bane to taDap gae mera sar bane to juda hue

    chale sath sath qadam qadam koi ye na samjha ki hain baham

    kabhi dhup ban ke lipaT gae kabhi saya ban ke juda hue

    abhi hain zamane se be-KHabar rakha hath rakkhe ye lash par

    uTho bas uTho kaha man lo meri kya KHata jo KHafa hue

    hain ajib murgh-e-shikasta-par na chaman mein ghar na qafas mein ghar

    jo gire to saya hain KHak par jo uThe to mauj-e-hawa hue

    wo araq araq hue jis ghaDi mujhe umr-e-KHizr ata hui

    shab-e-wasl qatre pasine ke mere haq mein aab-e-baqa hue

    kabhi shakl-e-aina ru-ba-ru kabhi tuti aur kabhi guftugu

    kabhi shaKHs ban ke gale mile kabhi aks ban ke juda hue

    na tajalliyan hain na garmiyan na shararten hain na phurtiyan

    hama-tan the din ko to shoKHiyan hama-tan wo shab ko haya hue

    mere nale hain ki azal abad tere ishwe hain ki lab-e-masih

    wahan kun ka ghalghala wo bane yahan qum ki ye jo sada hue

    gire zat mein to hai jumla-ust uThe jab sifat mein hama-az-dast

    kaha kaun ho to mile rahe kaha nam kya to juda hue

    kiye us ne bazm mein shoabde mali mehndi hath pe shama ke

    jo patange raat ko jal gae wo tamam murgh-e-hina hue

    mere dil ke dekho to walwale ki har ek rang mein ja mili

    jo ghaTe to un ka dahan bane jo baDhe to arz-o-sama hue

    wahi farsh-o-arsh-nashin rahe hue nam alag jo kahin rahe

    gae dair mein to sanam bane gae la-makan to KHuda hue

    jo tasawwur un ka juda hua dil be-KHabar ne ye di sada

    abhi ham-baghal the kidhar gae abhi god mein the wo kya hue

    kabhi sozishen kabhi aafaten kabhi ranjishen kabhi rahaten

    milin chaar hum ko ye neamaten tere ishq mein jo fana hue

    hamein shauq ye ki ho ek taur use zauq ye ki ho shakl aur

    bane aag to bujhe aab mein mile KHak mein to hawa hue

    gae sar se jabki wo ta-kamar to alif idhar ka hua udhar

    tera joDa khulte hi baal sab pas-e-pusht aa ke bala hue

    koi dab gaya koi mar gaya koi pis gaya koi miT gaya

    tere ishwe se jab se falak bane tere ghamze jab se qaza hue

    mujhe gudgudi se ghash aa gaya to hila ke shana yahi kaha

    abhi hanste the abhi mar gae abhi kya the tum abhi kya hue

    kaho kafiron se karen KHushi ki ye masala hai tanasuKHi

    mere nale KHak mein jab mile to subu ke dast-e-dua hue

    pas-e-wasl hum jo sarak gae to wo khilkhila ke phaDak gae

    kaha shoKHiyon ne chalo haTo ki huzur tum se KHafa hue

    tumhein log kahte hain naujawan ki ho bis tis ke darmiyan

    kaho mujh se 'mail'-e-KHush-bayan wo tumhaare walwale kya hue

    Source:

    Deewan-e-Dr.Maiel(Tohfa-e-Dakan) (Pg. 197)

    • Author: Ahmad Husain Mail
      • Edition: 1897
      • Publisher: Matba Mufeed-e-Aam, Agra
      • Year of Publication: 1897
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now