shab-e-visal ye kahte hain wo suna ke mujhe

Hafeez Jaunpuri

shab-e-visal ye kahte hain wo suna ke mujhe

Hafeez Jaunpuri

MORE BYHafeez Jaunpuri

    shab-e-visāl ye kahte haiñ vo sunā ke mujhe

    kisī ne luuT liyā apne ghar bulā ke mujhe

    pukārtā nahīñ koī lahad par aa ke mujhe

    mire nasīb bhī kyā so rahe sulā ke mujhe

    vo bole vasl ke shab aap meñ na ke mujhe

    chale ga.e haiñ kahāñ apne ghar bulā ke mujhe

    girā diyā hai kuchh is tarah us ne āñkhoñ se

    ki dekhtā nahīñ koī nazar uThā ke mujhe

    parī thī koī chhalāvā thī javānī thī

    kahāñ ye ho ga.ī champat jhalak dikhā ke mujhe

    tumhārī bazm meñ aa.e to jām-e-mai mujh tak

    balā se de de koī zahr milā ke mujhe

    uThā jo bazm se un to rok kar ye kahā

    ki le chale ho kahāñ dil meñ tum chhupā ke mujhe

    ye tere hijr ġham thā vo tere ishq daaġh

    gayā jo khā ke mujhe jo miTā miTā ke mujhe

    jahāñ pe jaate hue mere hosh uḌte haiñ

    tirā ḳhayāl vahāñ le chalā lagā ke mujhe

    mujhe hai ġhash unheñ hairat ajiib aalam hai

    maiñ kho gayā huuñ unheñ dekh kar vo ke mujhe

    mirī nigāh meñ phirtī hai merī maut shakl

    jab aap dekhte haiñ tevriyāñ chaḌhā ke mujhe

    na dekho ā.īna dekho mirā kahā maano

    dikhāo ġhair ko sūrat na muñh dikhā ke mujhe

    taḌap le dil ye kah kah ke koī aatā hai

    biThā diyā hai lahad meñ uThā uThā ke mujhe

    gale lagā de karūñ pyaar terī teġh ko maiñ

    ki yaad aa.e karishme tirī adā ke mujhe

    ye mere rone pe hañstī hai kyuuñ mirī taqdīr

    vo apne dil meñ to kuḌhte nahīñ rulā ke mujhe

    jo miTTī hai to ab fātiha bhī paḌhte jaao

    kuchh ab savāb bhī lo ḳhaak meñ milā ke mujhe

    'hafīz' hashr meñ kar chukā thā maiñ fariyād

    ki us ne DaañT diyā sāmne se aa ke mujhe

    shab-e-visal ye kahte hain wo suna ke mujhe

    kisi ne luT liya apne ghar bula ke mujhe

    pukarta nahin koi lahad par aa ke mujhe

    mere nasib bhi kya so rahe sula ke mujhe

    wo bole wasl ke shab aap mein na pa ke mujhe

    chale gae hain kahan apne ghar bula ke mujhe

    gira diya hai kuchh is tarah us ne aankhon se

    ki dekhta nahin koi nazar uTha ke mujhe

    pari thi koi chhalawa thi ya jawani thi

    kahan ye ho gai champat jhalak dikha ke mujhe

    tumhaari bazm mein aae to jam-e-mai mujh tak

    bala se de de koi zahr hi mila ke mujhe

    uTha jo bazm se un ki to rok kar ye kaha

    ki le chale ho kahan dil mein tum chhupa ke mujhe

    ye tere hijr ka gham tha wo tere ishq ka dagh

    gaya jo kha ke mujhe jo miTa miTa ke mujhe

    jahan pe jate hue mere hosh uDte hain

    tera KHayal wahan le chala laga ke mujhe

    mujhe hai ghash unhen hairat ajib aalam hai

    main kho gaya hun unhen dekh kar wo pa ke mujhe

    meri nigah mein phirti hai meri maut ki shakl

    jab aap dekhte hain tewriyan chaDha ke mujhe

    na dekho aaina dekho mera kaha mano

    dikhao ghair ko surat na munh dikha ke mujhe

    taDap le dil ki ye kah kah ke koi aata hai

    biTha diya hai lahad mein uTha uTha ke mujhe

    gale laga de karun pyar teri tegh ko main

    ki yaad aae karishme teri ada ke mujhe

    ye mere rone pe hansti hai kyun meri taqdir

    wo apne dil mein to kuDhte nahin rula ke mujhe

    jo miTTi di hai to ab fatiha bhi paDhte jao

    kuchh ab sawab bhi lo KHak mein mila ke mujhe

    'hafiz' hashr mein kar hi chuka tha main fariyaad

    ki us ne DanT diya samne se aa ke mujhe

    Source:

    • Book : Kulliyat-e-Hafeez Jaunpuri (Pg. Ghazal Number-220 Page Number-199)
    • Author : Tufail Ahmad Ansari
    • Publication : Qaumi Council Baraye Farogh-e-urdu Zaban (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY