shab mein din ka bojh uThaya din mein shab-bedari ki

Zulfiqar Aadil

shab mein din ka bojh uThaya din mein shab-bedari ki

Zulfiqar Aadil

MORE BYZulfiqar Aadil

    shab meñ din bojh uThāyā din meñ shab-bedārī

    dil par dil zarb lagā.ī ek mohabbat jaarī

    kashtī ko kashtī kah denā mumkin thā āsān na thā

    dariyāoñ ḳhaak uḌaa.ī mallāhoñ se yaarī

    koī had koī andāza kab tak karte jaanā hai

    ḳhandaq se ḳhāmoshī gahrī us se gahrī tārīkī

    ik tasvīr mukammal kar ke un āñkhoñ se Dartā huuñ

    fasleñ pak jaane par jaise dahshat ik chiñgārī

    ham insāf nahīñ kar paa.e duniyā se bhī dil se bhī

    terī jānib muḌ kar dekhā ya.anī jānib-dārī

    ḳhvāb adhūre rah jaate haiñ niiñd mukammal hone se

    aadhe jaage aadhe so.e ġhaflat bhar hushyārī

    jitnā in se bhaag rahā huuñ utnā pīchhe aatī haiñ

    ek sadā jārob-kashī ik āvāz bhikārī

    apne aap ko gaalī de kar ghuur rahā huuñ taale ko

    almārī meñ bhuul gayā huuñ phir chābī almārī

    ghaTte baḌhte saa.e se 'ādil' lutf uThāyā saarā din

    āñgan dīvār pe baiThe ham ne ḳhuub savārī

    shab mein din ka bojh uThaya din mein shab-bedari ki

    dil par dil ki zarb lagai ek mohabbat jari ki

    kashti ko kashti kah dena mumkin tha aasan na tha

    dariyaon ki KHak uDai mallahon se yari ki

    koi had koi andaza kab tak karte jaana hai

    KHandaq se KHamoshi gahri us se gahri tariki

    ek taswir mukammal kar ke un aankhon se Darta hun

    faslen pak jaane par jaise dahshat ek chingari ki

    hum insaf nahin kar pae duniya se bhi dil se bhi

    teri jaanib muD kar dekha yani jaanib-dari ki

    KHwab adhure rah jate hain nind mukammal hone se

    aadhe jage aadhe soe ghaflat bhar hushyari ki

    jitna in se bhag raha hun utna pichhe aati hain

    ek sada jarob-kashi ki ek aawaz bhikari ki

    apne aap ko gali de kar ghur raha hun tale ko

    almari mein bhul gaya hun phir chabi almari ki

    ghaTte baDhte sae se 'adil' lutf uThaya sara din

    aangan ki diwar pe baiThe hum ne KHub sawari ki

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY