shagufta aaj kuchh dil ki kali malum hoti hai

shagufta aaj kuchh dil kī kalī ma.alūm hotī hai

bahār-e-ḳhanda-e-gul zindagī ma.alūm hotī hai

vo mere dil kī kahte haiñ maiñ un ke dil kī kahtā huuñ

mohabbat ittifāq-e-bāhamī ma.alūm hotī hai

mukar jaa.eñ vo va.ade se mujhe bāvar nahīñ aatā

ḳhilāf-e-shān ḳhū ye husn kī ma.alūm hotī hai

vahī din haiñ vahī rāteñ vahī ham hai vahī bāteñ

magar phir bhī kisī shai kī kamī ma.alūm hotī hai

nasīm aa.ī bahār aa.ī payām-e-jāñ-fizā laa.ī

'ḳhayālī' zindagī ab zindagī ma.alūm hotī hai

shagufta aaj kuchh dil ki kali malum hoti hai

bahaar-e-KHanda-e-gul zindagi malum hoti hai

wo mere dil ki kahte hain main un ke dil ki kahta hun

mohabbat ittifaq-e-bahami malum hoti hai

mukar jaen wo wade se mujhe bawar nahin aata

KHilaf-e-shan KHu ye husn ki malum hoti hai

wahi din hain wahi raaten wahi hum hai wahi baaten

magar phir bhi kisi shai ki kami malum hoti hai

nasim aai bahaar aai payam-e-jaan-fiza lai

'KHayali' zindagi ab zindagi malum hoti hai