shahr gum-sum raste sunsan ghar KHamosh hain

Azhar Naqvi

shahr gum-sum raste sunsan ghar KHamosh hain

Azhar Naqvi

MORE BYAzhar Naqvi

    shahr gum-sum rāste sunsān ghar ḳhāmosh haiñ

    kyā balā utrī hai kyuuñ dīvār-o-dar ḳhāmosh haiñ

    vo khuleñ to ham se rāz-e-dasht-e-vahshat kuchh khule

    lauT kar kuchh log aa.e haiñ magar ḳhāmosh haiñ

    ho gayā ġharqāb sūraj aur phir ab us ke ba.ad

    sāhiloñ par ret uḌtī hai bhañvar ḳhāmosh haiñ

    manziloñ ke ḳhvāb de kar ham yahāñ laa.e ga.e

    ab yahāñ tak aa ga.e to rāhbar ḳhāmosh haiñ

    dukh safar hai ki apnoñ se bichhaḌ jaane ġham

    kyā sabab hai vaqt-e-ruḳhsat ham-safar ḳhāmosh haiñ

    kal shajar guftugū sunte the aur hairat meñ the

    ab parinde bolte haiñ aur shajar ḳhāmosh haiñ

    jab se 'az.har' ḳhāl-o-ḳhad baat logoñ meñ chalī

    aa.ine chup-chāp haiñ ā.īna-gar ḳhāmosh haiñ

    shahr gum-sum raste sunsan ghar KHamosh hain

    kya bala utri hai kyun diwar-o-dar KHamosh hain

    wo khulen to hum se raaz-e-dasht-e-wahshat kuchh khule

    lauT kar kuchh log aae hain magar KHamosh hain

    ho gaya gharqab suraj aur phir ab us ke baad

    sahilon par ret uDti hai bhanwar KHamosh hain

    manzilon ke KHwab de kar hum yahan lae gae

    ab yahan tak aa gae to rahbar KHamosh hain

    dukh safar ka hai ki apnon se bichhaD jaane ka gham

    kya sabab hai waqt-e-ruKHsat ham-safar KHamosh hain

    kal shajar ki guftugu sunte the aur hairat mein the

    ab parinde bolte hain aur shajar KHamosh hain

    jab se 'azhar' KHal-o-KHad ki baat logon mein chali

    aaine chup-chap hain aaina-gar KHamosh hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY