shahr ko dekh ke sahrai ka ehsas hua

shahr ko dekh ke sahrā.ī kā ehsās huā

par tire baa'd jo tanhā.ī kā ehsās huā

apne maañ baap kī daulat to uḌaa.ī thī bahut

ḳhud kamā.ī to har ik paa.ī kā ehsās huā

ham to bekār samajhte the samā'at apnī

tere ik bol se shunvā.ī kā ehsās huā

sab se nādān gine jaate the ham gaañv meñ

shahr-e-hijrat kī to dānā.ī kā ehsās huā

mashvara muft meñ detā hai fulāñ Thiik nahīñ

kyā kabhī tujh ko tire bhaa.ī kā ehsās huā

duur se mujh ko samundar to bahut chhoTā lagā

aur nazdīk se gahrā.ī kā ehsās huā

shahr ko dekh ke sahrai ka ehsas hua

par tere ba'd jo tanhai ka ehsas hua

apne man bap ki daulat to uDai thi bahut

KHud kamai to har ek pai ka ehsas hua

hum to bekar samajhte the sama'at apni

tere ek bol se shunwai ka ehsas hua

sab se nadan gine jate the hum ganw mein

shahr-e-hijrat ki to danai ka ehsas hua

mashwara muft mein deta hai fulan Thik nahin

kya kabhi tujh ko tere bhai ka ehsas hua

dur se mujh ko samundar to bahut chhoTa laga

aur nazdik se gahrai ka ehsas hua