shahr mahfuz nahin aur Thikana hai koi

shahr mahfūz nahīñ aur Thikāna hai koī

koī jangal hai yahāñ paas meñ sahrā hai koī

vaise sochā thā mohabbat nahīñ karnī mujh ko

is liye kī ki kabhī pūchh hī letā hai koī

aap kī āñkheñ to sailāb-zada ḳhitte haiñ

aap ke dil kī taraf dūsrā rasta hai koī

dukh mujhe is kā nahīñ hai ki dukhī hai vo shaḳhs

dukh to ye hai ki sabab mere 'alāva hai koī

jāntā huuñ ki tujhe saath to rakhte haiñ ka.ī

pūchhnā thā ki tirā dhyān bhī rakhtā hai koī

do minute baiTh maiñ bas aa.ine tak ho aa.uuñ

us meñ is vaqt mujhe dekhne aatā hai koī

ḳhauf bolā koī hai jis ko bulānā hai bulā

der tak soch ke maiñ zor se chīḳhā hai koī

shahr mahfuz nahin aur Thikana hai koi

koi jangal hai yahan pas mein sahra hai koi

waise socha tha mohabbat nahin karni mujh ko

is liye ki ki kabhi puchh hi leta hai koi

aap ki aankhen to sailab-zada KHitte hain

aap ke dil ki taraf dusra rasta hai koi

dukh mujhe is ka nahin hai ki dukhi hai wo shaKHs

dukh to ye hai ki sabab mere 'alawa hai koi

jaanta hun ki tujhe sath to rakhte hain kai

puchhna tha ki tera dhyan bhi rakhta hai koi

do minute baiTh main bas aaine tak ho aaun

us mein is waqt mujhe dekhne aata hai koi

KHauf bola koi hai jis ko bulana hai bula

der tak soch ke main zor se chiKHa hai koi