shaiKH-e-haram us but ka parastar hua hai

Rasikh Azimabadi

shaiKH-e-haram us but ka parastar hua hai

Rasikh Azimabadi

MORE BYRasikh Azimabadi

    shaiḳh-e-haram us but parastār huā hai

    but-ḳhāna-nashīñ bāñdh ke zunnār huā hai

    har harf pe do aañsū Tapak paḌte haiñ ai vaa.e

    ḳhat yaar ko likhnā hameñ dushvār huā hai

    kotah na samajh āh-e-zaīfān ko ye tiir

    sau baar dil-e-arsh se bhī paar huā hai

    ai said-fagan ġham se tire duurī ki merā

    har zaḳhm-e-dil ik dīda-e-ḳhūñ-bār huā hai

    hastī tirī parda hai uThā de ise ġhāfil

    kyuuñ aisā hijāb-e-ruḳh-e-dildār huā hai

    aage tire thī garm-e-suḳhan hone hasrat

    so bharnā dam-e-sard bhī dushvār huā hai

    kar qadr 'rāsiḳh' ki is tarah āzād

    yuuñ daam meñ aa tere giraftār huā hai

    shaiKH-e-haram us but ka parastar hua hai

    but-KHana-nashin bandh ke zunnar hua hai

    har harf pe do aansu Tapak paDte hain ai wae

    KHat yar ko likhna hamein dushwar hua hai

    kotah na samajh aah-e-zaifan ko ye tir

    sau bar dil-e-arsh se bhi par hua hai

    ai said-fagan gham se tere duri ki mera

    har zaKHm-e-dil ek dida-e-KHun-bar hua hai

    hasti teri parda hai uTha de ise ghafil

    kyun aisa hijab-e-ruKH-e-dildar hua hai

    aage tere thi garm-e-suKHan hone ki hasrat

    so bharna dam-e-sard bhi dushwar hua hai

    kar qadr tu 'rasiKH' ki ki is tarah ka aazad

    yun dam mein aa tere giraftar hua hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY