shakl chhup jae to aawaz pe rakkha jae

shakl chhup jaa.e to āvāz pe rakkhā jaa.e

ik nishāna isī andāz pe rakkhā jaa.e

dil kī bastī se ujāle kā guzar ho ki na ho

ik diyā chehra-e-ġhammāz pe rakkhā jaa.e

bāziyāñ haar rahe haiñ to chalo yūñhī sahī

āḳhirī daao na.e baaz pe rakkhā jaa.e

ham ko manzūr hai ilzām-e-rivāyat-shikanī

ik nayā giit na.e saaz pe rakkhā jaa.e

ham se tahrīk-e-mohabbat to nahīñ ruk saktī

kyoñ na ilzām hī āġhāz pe rakkhā jaa.e

shakl chhup jae to aawaz pe rakkha jae

ek nishana isi andaz pe rakkha jae

dil ki basti se ujale ka guzar ho ki na ho

ek diya chehra-e-ghammaz pe rakkha jae

baziyan haar rahe hain to chalo yunhi sahi

aaKHiri dao nae baz pe rakkha jae

hum ko manzur hai ilzam-e-riwayat-shikani

ek naya git nae saz pe rakkha jae

hum se tahrik-e-mohabbat to nahin ruk sakti

kyon na ilzam hi aaghaz pe rakkha jae