shama nazan hai faqat sar se bhaDak jaane mein aag

sham.a nāzāñ hai faqat sar se bhaḌak jaane meñ aag

phūñk de saarā jahāñ haigī vo parvāne meñ aag

sho.ala-e-sham-e-haram husn-e-butāñ se hai ḳhajil

mujh ko ḳhatra hai ki lag jaa.e na but-ḳhāne meñ aag

dekhnā garmī kī ḳhūbī merī baarī jab aa.e

jā-e-mai saaqī ne bhar dī mire paimāne meñ aag

shaiḳh kī sumran-shumārī meñ koī garmī nahīñ

chashm-e-bīnā ho to zāhir hai har ik daane meñ aag

ātishīñ naale vo majnūñ ke mujhe aate haiñ yaad

dekhtā huuñ jo kahīñ dahke hai vīrāne meñ aag

be-dimāġhī hai bajā us ke fasāne se mirī

ḳhvāb kyā laave vo pinhāñ ho jis afsāne meñ aag

kab hinsā thā maiñ bhalā jalne pe parvāne ke 'lutf'

daf.atan phūñkī mirī jā.egī jo kāshāne meñ aag

shama nazan hai faqat sar se bhaDak jaane mein aag

phunk de sara jahan haigi wo parwane mein aag

shoala-e-sham-e-haram husn-e-butan se hai KHajil

mujh ko KHatra hai ki lag jae na but-KHane mein aag

dekhna garmi ki KHubi meri bari jab aae

ja-e-mai saqi ne bhar di mere paimane mein aag

shaiKH ki sumran-shumari mein koi garmi nahin

chashm-e-bina ho to zahir hai har ek dane mein aag

aatishin nale wo majnun ke mujhe aate hain yaad

dekhta hun jo kahin dahke hai virane mein aag

be-dimaghi hai baja us ke fasane se meri

KHwab kya lawe wo pinhan ho jis afsane mein aag

kab hinsa tha main bhala jalne pe parwane ke 'lutf'

dafatan phunki meri jaegi jo kashane mein aag