shama raushan koi kar de mere gham-KHane mein
shama raushan koi kar de mere gham-KHane mein
Sayyad Ejaz Ahmad Rizwi
MORE BYSayyad Ejaz Ahmad Rizwi
sham.a raushan koī kar de mire ġham-ḳhāne meñ
jaane kab se yahāñ baiThā huuñ sanam-ḳhāne meñ
lazzat-e-sozish-e-ġham jān-e-vafā aah na pūchh
kitnī taskīn milī aap ko taḌpāne meñ
ḳhirman-e-dil pe girī hai to koī baat nahīñ
Dar hai kaundī na ho bijlī tire kāshāne meñ
dil meñ ab koī bhī hasrat nahīñ armān nahīñ
kuchh nahīñ kuchh bhī nahīñ ab mire ġham-ḳhāne meñ
maiñ hī ārā.ish-e-afsāna banā aah magar
ab mirā naam nahīñ aap ke afsāne meñ
yuuñ bhī aksar tirī āvāz sunī hai maiñ ne
siskiyāñ letā ho jaise koī vīrāne meñ
aap laa.eñ to ye dāman mirī āñkhoñ ke qarīb
maiñ bhī kuchh pesh karūñ aap ko nazrāne meñ
kitnī ma.asūm sī pyārī sī ḳhatā kar baiThe
bhuul 'rizvī' se huī hai koī anjāne meñ
shama raushan koi kar de mere gham-KHane mein
jaane kab se yahan baiTha hun sanam-KHane mein
lazzat-e-sozish-e-gham jaan-e-wafa aah na puchh
kitni taskin mili aap ko taDpane mein
KHirman-e-dil pe giri hai to koi baat nahin
Dar hai kaundi na ho bijli tere kashane mein
dil mein ab koi bhi hasrat nahin arman nahin
kuchh nahin kuchh bhi nahin ab mere gham-KHane mein
main hi aaraish-e-afsana bana aah magar
ab mera nam nahin aap ke afsane mein
yun bhi aksar teri aawaz suni hai main ne
siskiyan leta ho jaise koi virane mein
aap laen to ye daman meri aankhon ke qarib
main bhi kuchh pesh karun aap ko nazrane mein
kitni masum si pyari si KHata kar baiThe
bhul 'rizwi' se hui hai koi anjaane mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
