sharāb piine kī aadat bahut purānī hai
mire shabāb kī baaqī yahī nishānī hai
vo bāda-ḳhvār se ḳhuñḳhār ho gayā kyūñkar
use sunāte ho jis kī likhī kahānī hai
qadam zamīn pe lekin nazar falak-paimā
har ik zamāna meñ mash.hūr naujavānī hai
junūñ ke kūche meñ kuchh roz to Thahar jaao
ḳhirad meñ biitī jo umr-e-ravāñ vo faanī hai
kabhī udaas kabhī qahqahe lagātī hai
samajh lo dosto ye zindagī divānī hai
sunā hai ham ne bhī ḳhāmosh mufsidoñ kī qasam
nazar lage na fazā shahr kī suhānī hai
sharab pine ki aadat bahut purani hai
mere shabab ki baqi yahi nishani hai
wo baada-KHwar se KHunKHar ho gaya kyunkar
use sunate ho jis ki likhi kahani hai
qadam zamin pe lekin nazar falak-paima
har ek zamana mein mashhur naujawani hai
junun ke kuche mein kuchh roz to Thahar jao
KHirad mein biti jo umr-e-rawan wo fani hai
kabhi udas kabhi qahqahe lagati hai
samajh lo dosto ye zindagi diwani hai
suna hai hum ne bhi KHamosh mufsidon ki qasam
nazar lage na faza shahr ki suhani hai
Source:
Ajeeb-o-Ghareeb (Pg. 45)
-
Author:
Dawood Kashmiri
-
- Publisher: Mohammad Tahir Merchant
- Year of Publication: 2008
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.