sharmindagī hai ham ko bahut ham mile tumheñ
tum sar-ba-sar ḳhushī the magar ġham mile tumheñ
maiñ apne aap meñ na milā is kā ġham nahīñ
ġham to ye hai ki tum bhī bahut kam mile tumheñ
hai jo hamārā ek hisāb us hisāb se
aatī hai ham ko sharm ki paiham mile tumheñ
tum ko jahān-e-shauq-o-tamannā meñ kyā milā
ham bhī mile to darham o barham mile tumheñ
ab apne taur hī meñ nahīñ tum so kaash ki
ḳhud meñ ḳhud apnā taur koī dam mile tumheñ
is shahr-e-hīla-jū meñ jo mahram mile mujhe
fariyād jān-e-jāñ vahī mahram mile tumheñ
detā huuñ tum ko ḳhushki-e-mizhgāñ kī maiñ duā
matlab ye hai ki dāman-e-pur-nam mile tumheñ
maiñ un meñ aaj tak kabhī paayā nahīñ gayā
jānāñ jo mere shauq ke aalam mile tumheñ
tum ne hamāre dil meñ bahut din safar kiyā
sharminda haiñ ki us meñ bahut ḳham mile tumheñ
yuuñ ho ki aur hī koī havvā mile mujhe
ho yuuñ ki aur hī koī aadam mile tumheñ
sharmindagi hai hum ko bahut hum mile tumhein
tum sar-ba-sar KHushi the magar gham mile tumhein
main apne aap mein na mila is ka gham nahin
gham to ye hai ki tum bhi bahut kam mile tumhein
hai jo hamara ek hisab us hisab se
aati hai hum ko sharm ki paiham mile tumhein
tum ko jahan-e-shauq-o-tamanna mein kya mila
hum bhi mile to darham o barham mile tumhein
ab apne taur hi mein nahin tum so kash ki
KHud mein KHud apna taur koi dam mile tumhein
is shahr-e-hila-ju mein jo mahram mile mujhe
fariyaad jaan-e-jaan wahi mahram mile tumhein
deta hun tum ko KHushki-e-mizhgan ki main dua
matlab ye hai ki daman-e-pur-nam mile tumhein
main un mein aaj tak kabhi paya nahin gaya
jaanan jo mere shauq ke aalam mile tumhein
tum ne hamare dil mein bahut din safar kiya
sharminda hain ki us mein bahut KHam mile tumhein
yun ho ki aur hi koi hawwa mile mujhe
ho yun ki aur hi koi aadam mile tumhein
Videos
This video is playing from YouTube
Jaun Eliya
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.