shauq ka silsila be-karan hai
shauq kā silsila be-karāñ hai
zindagī kārvāñ kārvāñ hai
hāsil-e-narmī-e-shabnam-o-gil
ātish-e-ġham kā sail-e-ravāñ hai
har nafas meñ tirī āhaTeñ haiñ
har nafas zindagī kā nishāñ hai
apnī vīrāniyoñ par abhī tak
dil ko shādābiyoñ kā gumāñ hai
ham-nafas dil dhaḌakte haiñ jab tak
kārobār-e-mohabbat javāñ hai
tohmat-e-mai-kashī bhī uThā.ī
tishnagī hai ki sho.ala-ba-jāñ hai
un ke dāman meñ bhī phuul hote
jin se ra.anā.ī-e-gulsitāñ hai
shauq ka silsila be-karan hai
zindagi karwan karwan hai
hasil-e-narmi-e-shabnam-o-gil
aatish-e-gham ka sail-e-rawan hai
har nafas mein teri aahaTen hain
har nafas zindagi ka nishan hai
apni viraniyon par abhi tak
dil ko shadabiyon ka guman hai
ham-nafas dil dhaDakte hain jab tak
karobar-e-mohabbat jawan hai
tohmat-e-mai-kashi bhi uThai
tishnagi hai ki shoala-ba-jaan hai
un ke daman mein bhi phul hote
jin se ranai-e-gulsitan hai
Source:
Funoon(Jadeed Ghazal Number: Volume-002) (Pg. 877)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
