shauq ne ishrat ka saman kar diya

Wahshat Raza Ali Kalkatvi

shauq ne ishrat ka saman kar diya

Wahshat Raza Ali Kalkatvi

MORE BYWahshat Raza Ali Kalkatvi

    shauq ne ishrat sāmāñ kar diyā

    dil ko mahv-e-rū-e-jānāñ kar diyā

    ne ai jam.iyat-e-dil havas

    aur bhī mujh ko pareshāñ kar diyā

    vaah re zaḳhm-e-mohabbat ḳhalish

    jis ko dil ne rāhat-e-jāñ kar diyā

    ḳhud-numā.ī ḳhud-faroshī ho ga.ī

    aap ne apne ko arzāñ kar diyā

    un ke dāman tak na pahuñchā dast-e-shauq

    us ko masrūf-e-garebāñ kar diyā

    bazm meñ jab ġhair par Daalī nazar

    aap ne mujh par bhī ehsāñ kar diyā

    kuchh baḌhā kar maiñ ne bahr-e-sharh-e-ġham

    chaak ko unvān-e-dāmāñ kar diyā

    jhuk ga.ī āḳhir hayā se un aañkh

    shauq ne mujh ko pashīmāñ kar diyā

    pā-e-but par maiñ ne do sajde kiye

    kufr ko bhī juzv-e-īmāñ kar diyā

    use ḳhayāl-e-laila-e-majnūñ-navāz

    ne sahrā ko gulistāñ kar diyā

    ho ke zaa.il quvvat-e-ehsās ne

    mushkiloñ ko merī āsāñ kar diyā

    dil nahīñ jaatā thā sū-e-rāh-e-dair

    kaise kāfir ko musalmāñ kar diyā

    ne 'vahshat' kyuuñ ḳhilāf-e-rasm-e-ishq

    dard ko rusvā-e-darmāñ kar diyā

    shauq ne ishrat ka saman kar diya

    dil ko mahw-e-ru-e-jaanan kar diya

    tu ne ai jamiyat-e-dil ki hawas

    aur bhi mujh ko pareshan kar diya

    wah re zaKHm-e-mohabbat ki KHalish

    jis ko dil ne rahat-e-jaan kar diya

    KHud-numai KHud-faroshi ho gai

    aap ne apne ko arzan kar diya

    un ke daman tak na pahuncha dast-e-shauq

    us ko masruf-e-gareban kar diya

    bazm mein jab ghair par Dali nazar

    aap ne mujh par bhi ehsan kar diya

    kuchh baDha kar main ne bahr-e-sharh-e-gham

    chaak ko unwan-e-daman kar diya

    jhuk gai aaKHir haya se un ki aankh

    shauq ne mujh ko pashiman kar diya

    pa-e-but par main ne do sajde kiye

    kufr ko bhi juzw-e-iman kar diya

    use KHayal-e-laila-e-majnun-nawaz

    tu ne sahra ko gulistan kar diya

    ho ke zail quwwat-e-ehsas ne

    mushkilon ko meri aasan kar diya

    dil nahin jata tha su-e-rah-e-dair

    kaise kafir ko musalman kar diya

    tu ne 'wahshat' kyun KHilaf-e-rasm-e-ishq

    dard ko ruswa-e-darman kar diya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY