شعر گوئی تو اک بہانہ ہے

شعر گوئی تو اک بہانہ ہے

اعتبار سخن بڑھانا ہے

جس سے ہوں فکر کے دریچے وا

ایسا ماحول اب بنانا ہے

ہو خودی سے اگر شناسائی

ٹھوکروں میں تری زمانہ ہے

کل زمانے نے آزمایا تھا

اب زمانے کو آزمانا ہے

اس گلی کی کشش نہیں جاتی

یوں تو ہر روز آنا جانا ہے

گر طبیعت تری نہیں مائل

پھر تکلم بھی تازیانہ ہے

جی رہا ہوں کسی مسافر سا

صرف عقبیٰ مرا ٹھکانا ہے

جب مضامین نو چلے آئیں

شاعری کو سرور آنا ہے

نقد ہو شعر ہو کہ فن پارہ

اپنا انداز ناصحانہ ہے