shikast-e-abla-e-dil mein naghmagi hai bahut

Sadique Naseem

shikast-e-abla-e-dil mein naghmagi hai bahut

Sadique Naseem

MORE BYSadique Naseem

    shikast-e-ābla-e-dil meñ naġhmagī hai bahut

    sunegā kaun ki duniyā badal ga.ī hai bahut

    har ek naqsh meñ hai nā-tamāmiyoñ jhalak

    tire jahāñ meñ kisī chiiz kamī hai bahut

    gale lagā ke gul-o-nastaran ko royā huuñ

    ki mujh ko nazm-e-gulistāñ se āgahī hai bahut

    yahāñ kisī bhī chehra dikhā.ī de na sake

    harīm-e-dil meñ tamannā raushnī hai bahut

    maiñ ek lamha bhī mānind-e-sham.a jal na sakūñ

    vo ek shab ke liye sahī jalī hai bahut

    hai ḳhud-fareb bahut mere ahd fankār

    hunar nahīñ bhī to shor-e-hunar-varī hai bahut

    laboñ pe jaañ ho to ehsās-e-talḳh-o-shīrīñ kyā

    kahīñ se zahr laao ki tishnagī hai bahut

    ḳhirad ko naaz hai kyuuñ rasm-e-kaj-kulāhī par

    sar-e-junūñ ke liye musht-e-ḳhāk bhī hai bahut

    garāñ hai jins-e-vafā aur mushtarī nāyāb

    hazār baar luTā huuñ ki dil ġhanī hai bahut

    ajab nashāt ke pahlū ġham-e-habīb meñ haiñ

    ki Dūbtī nahīñ ye naav Doltī hai bahut

    tumhārā naam kisī ajnabī ke lab par thā

    zarā baat thī dil ko magar lagī hai bahut

    dam-e-vidā.a meñ yuuñ muskurā rahā huuñ 'nasīm'

    ki jaise un se judā.ī bhī ḳhushī hai bahut

    shikast-e-abla-e-dil mein naghmagi hai bahut

    sunega kaun ki duniya badal gai hai bahut

    har ek naqsh mein hai na-tamamiyon ki jhalak

    tere jahan mein kisi chiz ki kami hai bahut

    gale laga ke gul-o-nastaran ko roya hun

    ki mujh ko nazm-e-gulistan se aagahi hai bahut

    yahan kisi ka bhi chehra dikhai de na sake

    harim-e-dil mein tamanna ki raushni hai bahut

    main ek lamha bhi manind-e-shama jal na sakun

    wo ek shab ke liye hi sahi jali hai bahut

    hai KHud-fareb bahut mere ahd ka fankar

    hunar nahin bhi to shor-e-hunar-wari hai bahut

    labon pe jaan ho to ehsas-e-talKH-o-shirin kya

    kahin se zahr hi lao ki tishnagi hai bahut

    KHirad ko naz hai kyun rasm-e-kaj-kulahi par

    sar-e-junun ke liye musht-e-KHak bhi hai bahut

    garan hai jins-e-wafa aur mushtari nayab

    hazar bar luTa hun ki dil ghani hai bahut

    ajab nashat ke pahlu gham-e-habib mein hain

    ki Dubti nahin ye naw Dolti hai bahut

    tumhaara nam kisi ajnabi ke lab par tha

    zara si baat thi dil ko magar lagi hai bahut

    dam-e-widaa mein yun muskura raha hun 'nasim'

    ki jaise un se judai ki bhi KHushi hai bahut

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY