شکوۂ دل نہیں کریں گے ہم
شکوۂ دل نہیں کریں گے ہم
زرد موسم میں کھل اٹھیں گے ہم
اپنی وارفتگی نہ جائے گی
تم سے اک روز آ ملیں گے ہم
گہر آثار آبگینوں کو
گاہے حسرت سے دیکھ لیں گے ہم
خواب در خواب کچھ چراغوں میں
روشنی ڈھونڈتے رہیں گے ہم
اوڑھ لینی ہے پھر ردائے سکوت
چیخ چلا کے تھک چکیں گے ہم
بات کیونکر سمجھ نہ آئے گی
اس تیقن سے گر کہیں گے ہم
اک نظر اور دیکھ لو ہم کو
یوں دوبارہ نہیں سجیں گے ہم
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
