shole ugal rahi hai zaban dekhte chalo

sho'le ugal rahī hai zabāñ dekhte chalo

uThne lagā diloñ se dhuāñ dekhte chalo

ye zindagī bhī kyā hai koī kārobār hai

kyā ho rahā hai sūd-o-ziyāñ dekhte chalo

sahrā-e-zindagī meñ bhaTakne kā ḳhauf hai

har naqsh-e-pā-e-pesh-e-ravāñ dekhte chalo

qismat ko tum bhī DhūñD rahe ho kahāñ kahāñ

mehnat meñ to nahīñ hai nihāñ dekhte chalo

ye jānte hue ki tumhārī ravish hai kyā

kis Dhang kā hai rang-e-jahāñ dekhte chalo

mushkil se ab ḳhulūs nazar aa.egā kahīñ

har samt hirs kā hai dhuāñ dekhte chalo

shāmil hai is makāñ meñ pasīna ġharīb kā

'ash.har' amiir kā ye makāñ dekhte chalo

sho'le ugal rahi hai zaban dekhte chalo

uThne laga dilon se dhuan dekhte chalo

ye zindagi bhi kya hai koi karobar hai

kya ho raha hai sud-o-ziyan dekhte chalo

sahra-e-zindagi mein bhaTakne ka KHauf hai

har naqsh-e-pa-e-pesh-e-rawan dekhte chalo

qismat ko tum bhi DhunD rahe ho kahan kahan

mehnat mein to nahin hai nihan dekhte chalo

ye jaante hue ki tumhaari rawish hai kya

kis Dhang ka hai rang-e-jahan dekhte chalo

mushkil se ab KHulus nazar aaega kahin

har samt hirs ka hai dhuan dekhte chalo

shamil hai is makan mein pasina gharib ka

'ashhar' amir ka ye makan dekhte chalo