shoala-e-gul gulab shoala kya

sho.ala-e-gul gulāb sho.ala kyā

aag aur phuul kā ye rishta kyā

tum mirī zindagī ho ye sach hai

zindagī kā magar bharosā kyā

kitnī sadiyoñ kī qismatoñ kā maiñ

koī samjhe bisāt-e-lamha kyā

jo na ādāb-e-dushmanī jaane

dostī kā use salīqa kyā

kaam kī pūchhte ho gar sāhab

āshiqī ke alāva pesha kyā

baat matlab kī sab samajhte haiñ

sāhab-e-nashsha ġharq-e-bāda kyā

dil-dukhoñ ko sabhī satāte haiñ

sher kyā giit kyā fasāna kyā

sab haiñ kirdār ik kahānī ke

varna shaitān kyā farishta kyā

din haqīqat kā ek jalva hai

raat bhī hai usī kā parda kyā

tū ne mujh se koī savāl kiyā

kārvān-e-hayāt-e-rafta kyā

jaan kar ham 'bashīr-badr' hue

is meñ taqdīr kā navishta kyā

shoala-e-gul gulab shoala kya

aag aur phul ka ye rishta kya

tum meri zindagi ho ye sach hai

zindagi ka magar bharosa kya

kitni sadiyon ki qismaton ka main

koi samjhe bisat-e-lamha kya

jo na aadab-e-dushmani jaane

dosti ka use saliqa kya

kaam ki puchhte ho gar sahab

aashiqi ke alawa pesha kya

baat matlab ki sab samajhte hain

sahab-e-nashsha gharq-e-baada kya

dil-dukhon ko sabhi satate hain

sher kya git kya fasana kya

sab hain kirdar ek kahani ke

warna shaitan kya farishta kya

din haqiqat ka ek jalwa hai

raat bhi hai usi ka parda kya

tu ne mujh se koi sawal kiya

karwan-e-hayat-e-rafta kya

jaan kar hum 'bashir-badr' hue

is mein taqdir ka nawishta kya