shola-e-shauq ki aaghosh mein kyunkar aaun

Muhib Aarfi

shola-e-shauq ki aaghosh mein kyunkar aaun

Muhib Aarfi

MORE BYMuhib Aarfi

    shola-e-shauq āġhosh meñ kyūñkar aa.uuñ

    ik tamannā huuñ ki miT jā.ūñ agar bar aa.uuñ

    ek dāvat huuñ agar un ke laboñ par khelūñ

    ek hasrat huuñ agar ḳhud ko mayassar aa.uuñ

    har taraf se mujhe kyā ghuur rahī haiñ āñkheñ

    ḳhvāb huuñ dīda-e-bedār meñ kyūñkar aa.uuñ

    ek aalam huuñ jise bas koī mahsūs kare

    koī ma.anī huuñ ki alfāz ke andar aa.uuñ

    naqsh-bar-āb sahī kuchh bhī sahī huuñ to sahī

    ret qaid meñ kyā ḳhud se bichhaḌ kar aa.uuñ

    merī pahchān ho shāyad inhīñ zarroñ chamak

    apne ghar meñ isī ziine se utar kar aa.uuñ

    merī āyāt pe īmān na laane vaalo

    taab lāoge agar jild se bāhar aa.uuñ

    phūñk Dālīñ mire sho.ale ne fazā.eñ saarī

    isī dhun meñ ki nazar apne barābar aa.uuñ

    le chukā āb-e-baqā tujh se ab ai bahr-e-arab

    uḌ ke jaatā huuñ ki ye qarz adā kar aa.uuñ

    apne dāman meñ kaho aag sambhālūñ kyūñkar

    haath apne to 'muhib' ḳhair se aksar aa.uuñ

    shola-e-shauq ki aaghosh mein kyunkar aaun

    ek tamanna hun ki miT jaun agar bar aaun

    ek dawat hun agar un ke labon par khelun

    ek hasrat hun agar KHud ko mayassar aaun

    har taraf se mujhe kya ghur rahi hain aankhen

    KHwab hun dida-e-bedar mein kyunkar aaun

    ek aalam hun jise bas koi mahsus kare

    koi mani hun ki alfaz ke andar aaun

    naqsh-bar-ab sahi kuchh bhi sahi hun to sahi

    ret ki qaid mein kya KHud se bichhaD kar aaun

    meri pahchan ho shayad inhin zarron ki chamak

    apne ghar mein isi zine se utar kar aaun

    meri aayat pe iman na lane walo

    tab laoge agar jild se bahar aaun

    phunk Dalin mere shoale ne fazaen sari

    isi dhun mein ki nazar apne barabar aaun

    le chuka aab-e-baqa tujh se ab ai bahr-e-arab

    uD ke jata hun ki ye qarz ada kar aaun

    apne daman mein kaho aag sambhaalun kyunkar

    hath apne to 'muhib' KHair se aksar aaun

    Source :
    • Book : Pakistani Adab (Pg. 655)
    • Author : Dr. Rashid Amjad
    • Publication : Pakistan Academy of Letters, Islambad, Pakistan (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY