shor-o-hangama-e-duniya se chhupa len tumko

shor-o-hangāma-e-duniyā se chhupā leñ tum ko

jī meñ aatā hai ki siine se lagā leñ tum ko

kab se is taak meñ baiThe haiñ ki ik lamha bhī

muñh udhar pher le duniyā to churā leñ tum ko

had se baḌh jaa.e agar 'ishq to hai pāgalpan

so munāsib hai ki ab ḳhud se bachā leñ tum ko

merī qismat nahīñ lekin ho amānat merī

jin kī qismat ho unheñ kahnā sañbhāleñ tum ko

ek muddat se hai ābād tumhāre dam se

dil se chāheñ bhī to ab kaise nikāleñ tum ko

shor-o-hangama-e-duniya se chhupa len tum ko

ji mein aata hai ki sine se laga len tum ko

kab se is tak mein baiThe hain ki ek lamha bhi

munh udhar pher le duniya to chura len tum ko

had se baDh jae agar 'ishq to hai pagalpan

so munasib hai ki ab KHud se bacha len tum ko

meri qismat nahin lekin ho amanat meri

jin ki qismat ho unhen kahna sanbhaalen tum ko

ek muddat se hai aabaad tumhaare dam se

dil se chahen bhi to ab kaise nikalen tum ko