shor hai chiKH hai sada hai ghazal

Irfan Abidi mantvi

shor hai chiKH hai sada hai ghazal

Irfan Abidi mantvi

MORE BYIrfan Abidi mantvi

    shor hai chīḳh hai sadā hai ġhazal

    zaḳhm hai dard hai davā hai ġhazal

    aarzū shauq chaah chain sukūñ

    karb hai zabt hai bukā hai ġhazal

    hijr meñ bhī shab-e-firāq meñ bhī

    ham-safar bhī hai ham-navā hai ġhazal

    māh-o-anjum bhī chāñd sūraj bhī

    jis meñ rahte haiñ vo samā hai ġhazal

    maiñ thā madhosh-e-dīd-e-chashm-e-ġhazāl

    hosh meñ laane havā hai ġhazal

    ashk āñkhoñ ke pūchhne ke liye

    merī chādar mirī ridā hai ġhazal

    dard jitne chhupe haiñ pahlū meñ

    raaz saare tumheñ pata hai ġhazal

    ḳhūbsūrat koī nahīñ dikhtā

    merī ḳhātir jo mah-laqā hai ġhazal

    mere hālāt ne vafā na kiyā

    ġham nahīñ kyūñki bā-vafā hai ġhazal

    merī tanhā.ī ye sāthī hai

    log kahte haiñ ki balā hai ġhazal

    ashk palkoñ talak na aane diyā

    kitnī ma.asūm-o-bā-hayā hai ġhazal

    ro.ab ho ḳhauf pashemānī

    koī tujh meñ nahīñ dikhā hai ġhazal

    merī ḳhāmoshiyoñ ko toḌne

    vo qarīñ mere aslaha hai ġhazal

    mere dil ishāra jāntī hai

    is qadar mujh se āshnā hai ġhazal

    nasr meñ ḳhuub aatī rahtī hai

    sher meñ jaane kyoñ ḳhafā hai ġhazal

    mujh se pūchhā gayā miloge kahāñ

    maiñ ne kāġhaz pe likh diyā hai ġhazal

    shor hai chiKH hai sada hai ghazal

    zaKHm hai dard hai dawa hai ghazal

    aarzu shauq chah chain sukun

    karb hai zabt hai buka hai ghazal

    hijr mein bhi shab-e-firaq mein bhi

    ham-safar bhi hai ham-nawa hai ghazal

    mah-o-anjum bhi chand suraj bhi

    jis mein rahte hain wo sama hai ghazal

    main tha madhosh-e-did-e-chashm-e-ghazal

    hosh mein lane ki hawa hai ghazal

    ashk aankhon ke puchhne ke liye

    meri chadar meri rida hai ghazal

    dard jitne chhupe hain pahlu mein

    raaz sare tumhein pata hai ghazal

    KHubsurat koi nahin dikhta

    meri KHatir jo mah-laqa hai ghazal

    mere haalat ne wafa na kiya

    gham nahin kyunki ba-wafa hai ghazal

    meri tanhai ki ye sathi hai

    log kahte hain ki bala hai ghazal

    ashk palkon talak na aane diya

    kitni masum-o-ba-haya hai ghazal

    roab ho KHauf ya pashemani

    koi tujh mein nahin dikha hai ghazal

    meri KHamoshiyon ko toDne ka

    wo qarin mere aslaha hai ghazal

    mere dil ka ishaara jaanti hai

    is qadar mujh se aashna hai ghazal

    nasr mein KHub aati rahti hai

    sher mein jaane kyon KHafa hai ghazal

    mujh se puchha gaya miloge kahan

    main ne kaghaz pe likh diya hai ghazal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY