shorish se chashm-e-tar ki zi-bas gharq-e-ab hun

shorish se chashm-e-tar kī zi-bas ġharq-e-āb huuñ

din raat bahr-e-ġham meñ ba-rañg-e-hubāb huuñ

ye daur ab to hai ki raqīboñ kī bazm meñ

tū mast ho sharāb se aur maiñ kabāb huuñ

mujh ḳhūñ-girafta par mire qātil kamar na bāñdh

meñ aap apne qatl kā ḳhvāhāñ shitāb huuñ

har sub.h-o-shām baaġh meñ sahrā meñ juuñ nasīm

us gul kī justujū kī havas par ḳharāb huuñ

hairat se us ko dekhte haiñ misl-e-ā.ina

ifshā-e-dard-e-dil se khaḌā be-javāb huuñ

āgāh hai ḳhudā hī 'muhib' roz kis liye

nazroñ meñ un butāñ kī mahall-e-itāb huuñ

shorish se chashm-e-tar ki zi-bas gharq-e-ab hun

din raat bahr-e-gham mein ba-rang-e-hubab hun

ye daur ab to hai ki raqibon ki bazm mein

tu mast ho sharab se aur main kabab hun

mujh KHun-girafta par mere qatil kamar na bandh

mein aap apne qatl ka KHwahan shitab hun

har subh-o-sham bagh mein sahra mein jun nasim

us gul ki justuju ki hawas par KHarab hun

hairat se us ko dekhte hain misl-e-aina

ifsha-e-dard-e-dil se khaDa be-jawab hun

aagah hai KHuda hi 'muhib' roz kis liye

nazron mein un butan ki mahall-e-itab hun