شکر آخر عذاب سے نکلا
شکر آخر عذاب سے نکلا
وقت عہد شباب سے نکلا
اس کے ہم یوں بیان سے نکلے
جیسے کانٹا گلاب سے نکلا
عمر یک دم چلی گئی پیچھے
خط اچانک کتاب سے نکلا
جان تاروں نے ٹوٹ کر دے دی
گیت ایسا رباب سے نکلا
مرنے والے تجھے مبارک تو
زندگی کے سراب سے نکلا
ڈھیر سارے گلے نکل آئے
دل نہ خانہ خراب سے نکلا
وہ تو مسعودؔ خود سوالی تھا
راز اس کے جواب سے نکلا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
