shurua silsila-e-did karne wala tha

Kavish Badri

shurua silsila-e-did karne wala tha

Kavish Badri

MORE BY Kavish Badri

    INTERESTING FACT

    Vol 238, June 2000

    shurūa silsila-e-dīd karne vaalā thā

    ta.āruf-e-ruḳh-e-tauhīd karne vaalā thā

    ḳhud us zuud lisānī ne us ko guñg kiyā

    vo mere haal pe tanqīd karne vaalā thā

    mizāj-e-yār ne baḳhshī thī aisī yak-rañgī

    kahāñ maiñ ġhair taqlīd karne vaalā thā

    muntahā ko pahuñch kar bhī sifr hai ab tak

    tujhe maiñ vāqif-e-tamhīd karne vaalā thā

    hamārī saal meñ do baar jaan jaatī hai

    vo shaḳhs roz ik iid karne vaalā thā

    vo mere va.az se masjid meñ jab sambhal na sakā

    sharāb-ḳhāne meñ tākīd karne vaalā thā

    bachā ke fikr ko talḳhāba-e-tavārud se

    ġhazal ko ḳhūgar-e-ta.aqīd karne vaalā thā

    vo ham-piyāla bhī thā ḳhvāja-e-tāsh bhī 'kāvish'

    jo baat baat pe tardīd karne vaalā thā

    shurua silsila-e-did karne wala tha

    taaruf-e-ruKH-e-tauhid karne wala tha

    KHud us ki zud lisani ne us ko gung kiya

    wo mere haal pe tanqid karne wala tha

    mizaj-e-yar ne baKHshi thi aisi yak-rangi

    kahan main ghair ki taqlid karne wala tha

    tu muntaha ko pahunch kar bhi sifr hai ab tak

    tujhe main waqif-e-tamhid karne wala tha

    hamari sal mein do bar jaan jati hai

    wo shaKHs roz hi ek id karne wala tha

    wo mere waz se masjid mein jab sambhal na saka

    sharab-KHane mein takid karne wala tha

    bacha ke fikr ko talKHaba-e-tawarud se

    ghazal ko KHugar-e-taqid karne wala tha

    wo ham-piyala bhi tha KHwaja-e-tash bhi 'kawish'

    jo baat baat pe tardid karne wala tha

    Source:

    • Book : Shabkhoon (Urdu Monthly) (Pg. 1572)
    • Author : Shamsur Rahman Faruqi
    • Publication : Shabkhoon Po. Box No.13, 313 rani Mandi Allahabad (June December 2005áIssue No. 293 To 299âPart II)
    • Edition : June December 2005áIssue No. 293 To 299âPart II
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY