silsile ke baad koi silsila raushan karen
silsile ke baad koī silsila raushan kareñ
ik diyā jab saath chhoḌe dūsrā raushan kareñ
is tarah to aur bhī kuchh bojh ho jā.egī raat
kuchh kaheñ koī charāġh-e-vāqi.a raushan kareñ
jaane vaale saath apne le ga.e apne charāġh
aane vaale log apnā rāsta raushan kareñ
jaltī bujhtī raushnī kā khel bachchoñ ko dikhā.eñ
sham.a rakkheñ haath meñ ghar meñ havā raushan kareñ
āgahī dānish duā jazba aqīda falsafa
itnī qabreñ haa.e kis kis par diyā raushan kareñ
shaam yādoñ se mo.attar hai munavvar hai 'zafar'
aaj ḳhushbū ke vazū se dast o pā raushan kareñ
silsile ke baad koi silsila raushan karen
ek diya jab sath chhoDe dusra raushan karen
is tarah to aur bhi kuchh bojh ho jaegi raat
kuchh kahen koi charagh-e-waqia raushan karen
jaane wale sath apne le gae apne charagh
aane wale log apna rasta raushan karen
jalti bujhti raushni ka khel bachchon ko dikhaen
shama rakkhen hath mein ghar mein hawa raushan karen
aagahi danish dua jazba aqida falsafa
itni qabren hae kis kis par diya raushan karen
sham yaadon se moattar hai munawwar hai 'zafar'
aaj KHushbu ke wazu se dast o pa raushan karen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
