sitare muntazir hain saz-e-kahkashan liye hue

Shahab Sarmadi

sitare muntazir hain saz-e-kahkashan liye hue

Shahab Sarmadi

MORE BYShahab Sarmadi

    sitāre muntazir haiñ sāz-e-kahkashāñ liye hue

    zamīñ chāñd uTh rahā hai āsmāñ liye hue

    jo din Dhalā huā rukī kuchh aisī shām-e-ġham jhukī

    charāġh-e-zindagī lau uThī dhuāñ liye hue

    kaThin agar Dagar meñ marhale to tez-tar hoñ valvale

    chalo na is tarah matā.a-e-sargirāñ liye hue

    na shāḳh-e-gul na āshiyāñ magar kareñge ḳhasta-jāñ

    tavāf-e-bostāñ hazār dāstāñ liye hue

    nahīñ ki zindagī hameñ kahāñ kahāñ liye phirī

    hai yuuñ ki ham ga.e use kahāñ kahāñ liye hue

    ye sāz-e-talḳhī-e-zamāñ hazār naġhma bar-zabāñ

    ye yād-e-mahr-e-gul-ruḳhāñ ġham-e-jahāñ liye hue

    ba-faiz-e-shām-e-mai-kadā nazar ko nūr-e-sāqiyā

    ufuq pe chhā ga.ī ghaTā siyāhiyāñ liye hue

    ye apnā apnā saath hai safar safar baat hai

    kahīñ pe ham bhī aa mileñge kārvāñ liye hue

    lahak lahak ke nāsehā bashārat-e-iram na de

    ki ham vahāñ bhī rah chuke haiñ jism-o-jāñ liye hue

    harīf-e-mudda.ī sahī magar vahī 'shahāb' huuñ

    jo ab tak hai mizāj-e-dostāñ liye hue

    sitare muntazir hain saz-e-kahkashan liye hue

    zamin ka chand uTh raha hai aasman liye hue

    jo din Dhala hua ruki kuchh aisi sham-e-gham jhuki

    charagh-e-zindagi ki lau uThi dhuan liye hue

    kaThin agar Dagar mein marhale to tez-tar hon walwale

    chalo na is tarah mataa-e-sargiran liye hue

    na shaKH-e-gul na aashiyan magar karenge KHasta-jaan

    tawaf-e-bostan hazar dastan liye hue

    nahin ki zindagi hamein kahan kahan liye phiri

    hai yun ki hum gae use kahan kahan liye hue

    ye saz-e-talKHi-e-zaman hazar naghma bar-zaban

    ye yaad-e-mahr-e-gul-ruKHan gham-e-jahan liye hue

    ba-faiz-e-sham-e-mai-kada nazar ko nur-e-saqiya

    ufuq pe chha gai ghaTa siyahiyan liye hue

    ye apna apna sath hai safar safar ki baat hai

    kahin pe hum bhi aa milenge karwan liye hue

    lahak lahak ke naseha bashaarat-e-iram na de

    ki hum wahan bhi rah chuke hain jism-o-jaan liye hue

    harif-e-muddai sahi magar wahi 'shahab' hun

    jo ab tak hai mizaj-e-dostan liye hue

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY