sitam ko un ka karam kahen hum jafa ko mehr-o-wafa kahen hum

Aatish Bahawalpuri

sitam ko un ka karam kahen hum jafa ko mehr-o-wafa kahen hum

Aatish Bahawalpuri

MORE BYAatish Bahawalpuri

    sitam ko un karam kaheñ ham jafā ko mehr-o-vafā kaheñ ham

    zamāna is baat par ba-zid hai ki nāravā ko ravā kaheñ ham

    kuchh aisā saudā hai sab ke sar meñ mizāj bigḌe hue haiñ sab ke

    koī bhī suntā nahīñ kisī kaheñ kisī se to kyā kaheñ ham

    ye saarī bāteñ haiñ dar-haqīqat hamāre aḳhlāq ke munāfī

    suneñ burā.ī na ham kisī na ḳhud kisī ko burā kaheñ ham

    na jaane ham se hai kyā tavaqqo? nahīñ kisī tarah jān-baḳhshī

    zamāna is pe bhī mo'tariz hai agar ḳhudā ko ḳhudā kaheñ ham

    hamārī aa.heñ bhī be-asar haiñ hamāre naale bhī nā-rasā haiñ

    vo dard jis na ho mudāvā use na kyuuñ lā-davā kaheñ ham

    na din ko hai kuchh sukūñ mayassar na shab ko aatī hai niiñd ham ko

    yahī mohabbat ibtidā hai to phir kise intihā kaheñ ham

    yahī taqāzā hai maslahat isī meñ hai āfiyat bhī 'ātish'

    kisī se dil ko jo rañj pahuñche use ḳhudā razā kaheñ ham

    sitam ko un ka karam kahen hum jafa ko mehr-o-wafa kahen hum

    zamana is baat par ba-zid hai ki narawa ko rawa kahen hum

    kuchh aisa sauda hai sab ke sar mein mizaj bigDe hue hain sab ke

    koi bhi sunta nahin kisi ki kahen kisi se to kya kahen hum

    ye sari baaten hain dar-haqiqat hamare aKHlaq ke munafi

    sunen burai na hum kisi ki na KHud kisi ko bura kahen hum

    na jaane hum se hai kya tawaqqo? nahin kisi tarah jaan-baKHshi

    zamana is pe bhi mo'tariz hai agar KHuda ko KHuda kahen hum

    hamari aahen bhi be-asar hain hamare nale bhi na-rasa hain

    wo dard jis ka na ho mudawa use na kyun la-dawa kahen hum

    na din ko hai kuchh sukun mayassar na shab ko aati hai nind hum ko

    yahi mohabbat ki ibtida hai to phir kise intiha kahen hum

    yahi taqaza hai maslahat ka isi mein hai aafiyat bhi 'atish'

    kisi se dil ko jo ranj pahunche use KHuda ki raza kahen hum

    Source :
    • Book : Jada-e-manzil (Pg. 65)
    • Author : Atish Bahawalpuri
    • Publication : Nirali Duniya Publications (2001)
    • Edition : 2001
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY