ستم یہی ہے کہ اب یہ ستم نہیں ہوتا

ستم یہی ہے کہ اب یہ ستم نہیں ہوتا

وہ عکس چاندنی راتوں میں ضم نہیں ہوتا

عجب نہیں کہ کوئی خواب پھر نکل آئے

مگر یہ آنکھ کا گوشہ کہ نم نہیں ہوتا

بڑھے جو عمر تو یہ رنج بڑھتا جاتا ہے

سوائے عمر کے کچھ بھی تو کم نہیں ہوتا

ہزار شکر خدائے فلک نشیں تیرا

یہ سر زمیں کے خداؤں سے خم نہیں ہوتا

تمہاری یاد تمہاری قسم نہیں آتی

تمہارا ذکر تمہاری قسم نہیں ہوتا

ترا بیان حد شاعری سے باہر ہے

امیر امامؔ تلک سے رقم نہیں ہوتا