sitamgar yar ki aisi ki taisi

sitamgar yaar kī aisī kī taisī

dil-e-lāchār kī aisī kī taisī

baḌhā.e aur bhī ehsās-e-ġham jo

ho us ġham-ḳhvār kī aisī kī taisī

hañsī jo hāl-e-dil sun kar uḌaa.e

ho us dildār kī aisī kī taisī

na jis meñ kuchh ḳhulūs-o-dilrubā.ī

ho us iqrār kī aisī kī taisī

sanam kī diid bahlā.e na jis ko

ho us bīmār kī aisī kī taisī

na chashm-e-yār jis se DabDabā.e

ho us iz.hār kī aisī kī taisī

rahā jo be-ruḳhī kā tarjumāñ jo

ho us me.aar kī aisī kī taisī

kareñ gumrāh jo nām-e-ḳhudā par

ho un aqdār kī aisī kī taisī

nazar aa.e na jis ko juz sharārat

dil-e-bedār kī aisī kī taisī

agar bachche hoñ fāqoñ se bilakte

ho us tehvār kī aisī kī taisī

nazar aa.e jo kāñToñ kā bichhaunā

ho us gulzār kī aisī kī taisī

jo mushkil daur meñ āñkheñ churā.e

are us yaar kī aisī kī taisī

fan-e-ta.amīr se nā-āshnā jo

ho us me.amār kī aisī kī taisī

na sar dushman kā jo kaaTe rafīqo

ho us talvār kī aisī kī taisī

na jaane farq-e-āb-o-mai jo hamdam

ho us mai-ḳhvār kī aisī kī taisī

rulā.e har ghaḌī tujh ko jo 'anvar'

tire us pyaar kī aisī kī taisī

sitamgar yar ki aisi ki taisi

dil-e-lachaar ki aisi ki taisi

baDhae aur bhi ehsas-e-gham jo

ho us gham-KHwar ki aisi ki taisi

hansi jo haal-e-dil sun kar uDae

ho us dildar ki aisi ki taisi

na jis mein kuchh KHulus-o-dilrubai

ho us iqrar ki aisi ki taisi

sanam ki did bahlae na jis ko

ho us bimar ki aisi ki taisi

na chashm-e-yar jis se DabDabae

ho us izhaar ki aisi ki taisi

raha jo be-ruKHi ka tarjuman jo

ho us mear ki aisi ki taisi

karen gumrah jo nam-e-KHuda par

ho un aqdar ki aisi ki taisi

nazar aae na jis ko juz shararat

dil-e-bedar ki aisi ki taisi

agar bachche hon faqon se bilakte

ho us tehwar ki aisi ki taisi

nazar aae jo kanTon ka bichhauna

ho us gulzar ki aisi ki taisi

jo mushkil daur mein aankhen churae

are us yar ki aisi ki taisi

fan-e-tamir se na-ashna jo

ho us meamar ki aisi ki taisi

na sar dushman ka jo kaTe rafiqo

ho us talwar ki aisi ki taisi

na jaane farq-e-ab-o-mai jo hamdam

ho us mai-KHwar ki aisi ki taisi

rulae har ghaDi tujh ko jo 'anwar'

tere us pyar ki aisi ki taisi