sivā.e rahmat-e-rab kuchh nahīñ hai
bahut kuchh thā magar ab kuchh nahīñ hai
jahāñ maiñ huuñ magar kyā jāniye kyuuñ
mujhe duniyā se matlab kuchh nahīñ hai
ye vaqt-e-naz.a hai kyā nazr duuñ maiñ
ab aa.e ho yahāñ jab kuchh nahīñ hai
añdhere meñ vo sūjhī ye na sūjhī
tirī shab hai mirī shab kuchh nahīñ hai
faqat taqdīr kī kaayā palaT hai
munāsib aur insab kuchh nahīñ hai
na pūchho dil se us kī raah kā haal
sivā-e-ishq maz.hab kuchh nahīñ hai
na ho gar shām-e-hijrāñ ke barābar
tū bahar-e-vasl ik shab kuchh nahīñ hai
pas-e-dil ab kahāñ ābādī-e-dahr
jo sab kuchh thā vahī sab kuchh nahīñ hai
ḳhudā kā vāsta kyā duuñ use maiñ
jahāñ maiñ jis kā maz.hab kuchh nahīñ hai
chaman thā jab chaman thā āshiyāñ bhī
vahīñ thā maiñ jahāñ ab kuchh nahīñ hai
muhassal nazm-e-'sāqib' kā na pūchho
faqat lafzeñ haiñ matlab kuchh nahīñ hai
siwae rahmat-e-rab kuchh nahin hai
bahut kuchh tha magar ab kuchh nahin hai
jahan main hun magar kya jaaniye kyun
mujhe duniya se matlab kuchh nahin hai
ye waqt-e-naza hai kya nazr dun main
ab aae ho yahan jab kuchh nahin hai
andhere mein wo sujhi ye na sujhi
teri shab hai meri shab kuchh nahin hai
faqat taqdir ki kaya palaT hai
munasib aur insab kuchh nahin hai
na puchho dil se us ki rah ka haal
siwa-e-ishq mazhab kuchh nahin hai
na ho gar sham-e-hijran ke barabar
tu bahar-e-wasl ek shab kuchh nahin hai
pas-e-dil ab kahan aabaadi-e-dahr
jo sab kuchh tha wahi sab kuchh nahin hai
KHuda ka wasta kya dun use main
jahan main jis ka mazhab kuchh nahin hai
chaman tha jab chaman tha aashiyan bhi
wahin tha main jahan ab kuchh nahin hai
muhassal nazm-e-'saqib' ka na puchho
faqat lafzen hain matlab kuchh nahin hai
Source :
- Book : Deewan-e-Saqib (Pg. 339)
- Author : Mirza Zakir Husain Qazlibaas Saqib Lucknowvi
-
Publication : Urdu Acadami U.P.
(1998)
- Edition : 1998
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.