siyahkar siyah-ru KHata-shiar aaya

Shad Azimabadi

siyahkar siyah-ru KHata-shiar aaya

Shad Azimabadi

MORE BYShad Azimabadi

    siyāhkār siyah-rū ḳhatā-shi.ār aayā

    tirī janāb meñ terā gunāhgār aayā

    ḳhizāñ daur gayā mausam-e-bahār aayā

    magar na us dil-e-be-sabr ko qarār aayā

    kahīñ javāb na ne diyā yahāñ ke sivā

    jahāñ meñ yuuñ to bahut maiñ tujhe pukār aayā

    sarā-e-dahr meñ chhoḌā tan-e-kasīf apnā

    ye bojh sar se musāfir tirā utaar aayā

    hamāre nāla-e-dil na pochhiye ahvāl

    galī se yaar himmat bhī ab ke haar aayā

    paḌī jo qais ke uupar nazar bayābāñ meñ

    mujhe ġharīb ke uupar ġhazab pyaar aayā

    na apne paañv se aanā milā galī meñ tirī

    yahāñ bhī chaar ke kāñdhoñ pe maiñ savār aayā

    ye iztirāb hai kyuuñ hai kidhar qasd ai ruuh

    kahāñ se aa.ī talab kis jagah se taar aayā

    mirī na pūchh ki terī galī meñ ḳhaak huuñ maiñ

    tujhī ko merī vafā na e.atibār aayā

    lahad ne khol ke āġhosh jagah jo mujhe

    lipaT ke rah ga.e ham ko bhī ḳhuub pyaar aayā

    yaqīn jaan le saaqī ki ḳhum ḳhair nahīñ

    ḳhudā na-karda jo ab ke mujhe ḳhumār aayā

    mire nasīb kahāñ is tarah ke dīda-e-tar

    sunūñ ye ḳhush-ḳhabarī kaan se ki yaar aayā

    tire firāq ke ḳhūgar na mar miTe jab tak

    qazā ke aane tab tak na e.atibār aayā

    siyahkar siyah-ru KHata-shiar aaya

    teri janab mein tera gunahgar aaya

    KHizan ka daur gaya mausam-e-bahaar aaya

    magar na us dil-e-be-sabr ko qarar aaya

    kahin jawab na tu ne diya yahan ke siwa

    jahan mein yun to bahut main tujhe pukar aaya

    sara-e-dahr mein chhoDa tan-e-kasif apna

    ye bojh sar se musafir tera utar aaya

    hamare nala-e-dil ka na pochhiye ahwal

    gali se yar ki himmat bhi ab ke haar aaya

    paDi jo qais ke upar nazar bayaban mein

    mujhe gharib ke upar ghazab ka pyar aaya

    na apne panw se aana mila gali mein teri

    yahan bhi chaar ke kandhon pe main sawar aaya

    ye iztirab hai kyun hai kidhar ka qasd ai ruh

    kahan se aai talab kis jagah se tar aaya

    meri na puchh ki teri gali mein KHak hun main

    tujhi ko meri wafa ka na eatibar aaya

    lahad ne khol ke aaghosh di jagah jo mujhe

    lipaT ke rah gae hum ko bhi KHub pyar aaya

    yaqin jaan le saqi ki KHum ki KHair nahin

    KHuda na-karda jo ab ke mujhe KHumar aaya

    mere nasib kahan is tarah ke dida-e-tar

    sunun ye KHush-KHabari kan se ki yar aaya

    tere firaq ke KHugar na mar miTe jab tak

    qaza ke aane ka tab tak na eatibar aaya

    Source :
    • Book : Dewan-e-shad Azimabadi (Pg. 119)
    • Author : Shad Azimabadi
    • Publication : Educational Publishing House (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY