subh ki rakh ka hun Dher aur hun raushni ki raat

sub.h kī raakh kā huuñ Dher aur huuñ raushnī kī raat

thā bhī to jism kī saver huuñ bhī to jism hī kī raat

der ke baa'd aaj maiñ baiThā huuñ is diye ke paas

der ke baa'd aa.ī hai ham pe barābarī kī raat

sub.h huī to ye ḳhabar sun ke maiñ chup sā ho gayā

maiñ ne ḳhushī se kaaT dī raat tirī kamī kī raat

vaqt kī fard fard par mujh ko gavāh mat banā

maiñ thā kahīñ kahīñ kā din maiñ thā kabhī kabhī kī raat

faisla dījiye ki yaañ zindagī kyoñ nahīñ rahī

dekhiye aadmī ke ḳhvāb kāTiye aadmī kī raat

jism kī dhuup chhāñv par kaun karegā inhisār

jism kā din abhī kā din jism kī raat abhī kī raat

niiñd ki ban ga.ī thī daaġh tā-ba-sitāra-o-charāġh

gaThrī kī khul ga.ī girah khul ga.ī phir kisī kī raat

subh ki rakh ka hun Dher aur hun raushni ki raat

tha bhi to jism ki sawer hun bhi to jism hi ki raat

der ke ba'd aaj main baiTha hun is diye ke pas

der ke ba'd aai hai hum pe barabari ki raat

subh hui to ye KHabar sun ke main chup sa ho gaya

main ne KHushi se kaT di raat teri kami ki raat

waqt ki fard fard par mujh ko gawah mat bana

main tha kahin kahin ka din main tha kabhi kabhi ki raat

faisla dijiye ki yan zindagi kyon nahin rahi

dekhiye aadmi ke KHwab kaTiye aadmi ki raat

jism ki dhup chhanw par kaun karega inhisar

jism ka din abhi ka din jism ki raat abhi ki raat

nind ki ban gai thi dagh ta-ba-sitara-o-charagh

gaThri ki khul gai girah khul gai phir kisi ki raat