suKHanwar ban gae zagh-o-zaghan bhi

suḳhanvar ban ga.e zāġh-o-zaġhan bhī

na miT jaa.e shu'ūr-e-fikr-o-fan bhī

zamāna siikh le nazroñ se terī

siyāsat bhī mohabbat kā chalan bhī

tire gesū tire 'āriz ke sadqe

shab-e-sahrā bhī hai sub.h-e-chaman bhī

na hoñge ham to ham ko yaad kar ke

bahut ro.eñge ahl-e-anjuman bhī

hamīñ the ġhair ham hote haiñ ruḳhsat

raho tum bhī tumhārī anjuman bhī

hamīñ se ābrū-e-‘ishq hogī

hamīñ hoñge sar-e-dār-o-rasan bhī

'aqīl' is shahr-e-āshufta-sarāñ meñ

mujhe achchhā lagā dīvāna-pan bhī

suKHanwar ban gae zagh-o-zaghan bhi

na miT jae shu'ur-e-fikr-o-fan bhi

zamana sikh le nazron se teri

siyasat bhi mohabbat ka chalan bhi

tere gesu tere 'ariz ke sadqe

shab-e-sahra bhi hai subh-e-chaman bhi

na honge hum to hum ko yaad kar ke

bahut roenge ahl-e-anjuman bhi

hamin the ghair hum hote hain ruKHsat

raho tum bhi tumhaari anjuman bhi

hamin se aabru-e-‘ishq hogi

hamin honge sar-e-dar-o-rasan bhi

'aqil' is shahr-e-ashufta-saran mein

mujhe achchha laga diwana-pan bhi