sukun talash na kar aarzu ke diwane

Shahab Sarmadi

sukun talash na kar aarzu ke diwane

Shahab Sarmadi

MORE BYShahab Sarmadi

    sukūñ talāsh na kar aarzū ke dīvāne

    jo zindagī ne diyā hai vo zindagī jaane

    is ehtimām se aksar uThe haiñ paimāne

    ki buuñd buuñd ko maiñ jānoñ ḳhudā jaane

    dukhe hue dil-e-ādam meñ hai umiid dhuum

    haiñ ek baat se paidā hazār afsāne

    charāġh-e-rah se ġharaz hai na naqsh-e-pā talāsh

    ye rah-ravī koī nā-karda-rāh kyā jaane

    kidhar ko ruḳh kare yārab mirā mazāq-e-sujūd

    ki aaj qibla-e-dil ka.aba hai na but-ḳhāne

    maiñ intihā-e-masarrat ko zindagī kar duuñ

    agar nizām-e-tamannā mirā kahā maane

    sañbhal ai hosh zarā kal fikr kar saaqī

    chhalak na jaa.eñ kahīñ bhar chuke haiñ paimāne

    sukun talash na kar aarzu ke diwane

    jo zindagi ne diya hai wo zindagi jaane

    is ehtimam se aksar uThe hain paimane

    ki bund bund ko main jaanon ya KHuda jaane

    dukhe hue dil-e-adam mein hai umid ki dhum

    hain ek baat se paida hazar afsane

    charagh-e-rah se gharaz hai na naqsh-e-pa ki talash

    ye rah-rawi koi na-karda-rah kya jaane

    kidhar ko ruKH kare yarab mera mazaq-e-sujud

    ki aaj qibla-e-dil kaba hai na but-KHane

    main intiha-e-masarrat ko zindagi kar dun

    agar nizam-e-tamanna mera kaha mane

    sanbhal ai hosh zara kal ki fikr kar saqi

    chhalak na jaen kahin bhar chuke hain paimane

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY