sun leta hai bandon ki dua kuchh nahin kahta

sun letā hai bandoñ kī du'ā kuchh nahīñ kahtā

sab dekhtā rahtā hai ḳhudā kuchh nahīñ kahtā

vo din bhī the jab tāb-e-nazar bhī na thī us ko

ab khultā huā band-e-qabā kuchh nahīñ kahtā

pahuñche koī manzil pe ki raste hī meñ rah jaa.e

ye rasta ye naqsh-e-kaf-e-pā kuchh nahīñ kahtā

ye vaz’-e-mohabbat hai ki patthar ke bhī aage

jhuktā huuñ to pindār-e-anā kuchh nahīñ kahtā

''muddat huī lafzoñ se judā ho ga.e mā'nī

phir bhī koī be-harf-o-navā kuchh nahīñ kahtā

kyā shikva sitamgar hai ki ab to mire haq meñ

kuchh din se koī ahl-e-vafā kuchh nahīñ kahtā

ye rasm hai kaisī ki tire shahr meñ koī

chupke se ba-andāz-o-adā kuchh nahīñ kahtā

ab kyoñ tirī āñkhoñ meñ nahīñ rang-e-takallum

ab kyoñ tirā andāz-o-adā kuchh nahīñ kahtā

'najmī' mujhe ik jān-e-ġhazal se hai jo ulfat

kahtā huuñ ġhazal is ke sivā kuchh nahīñ kahtā

sun leta hai bandon ki du'a kuchh nahin kahta

sab dekhta rahta hai KHuda kuchh nahin kahta

wo din bhi the jab tab-e-nazar bhi na thi us ko

ab khulta hua band-e-qaba kuchh nahin kahta

pahunche koi manzil pe ki raste hi mein rah jae

ye rasta ye naqsh-e-kaf-e-pa kuchh nahin kahta

ye waz’-e-mohabbat hai ki patthar ke bhi aage

jhukta hun to pindar-e-ana kuchh nahin kahta

muddat hui lafzon se juda ho gae ma'ni

phir bhi koi be-harf-o-nawa kuchh nahin kahta

kya shikwa sitamgar hai ki ab to mere haq mein

kuchh din se koi ahl-e-wafa kuchh nahin kahta

ye rasm hai kaisi ki tere shahr mein koi

chupke se ba-andaz-o-ada kuchh nahin kahta

ab kyon teri aankhon mein nahin rang-e-takallum

ab kyon tera andaz-o-ada kuchh nahin kahta

'najmi' mujhe ek jaan-e-ghazal se hai jo ulfat

kahta hun ghazal is ke siwa kuchh nahin kahta