sun rahe hain koi tara sair karta aaega

sun rahe haiñ koī taara sair kartā aa.egā

jaane kyā paiġhām dhartī ke liye vo lā.egā

phuul ik din ḳhvāhishoñ kā dhuup meñ kumhlā.egā

pattiyāñ bikhreñgī us kī biij hī rah jā.egā

baañT kar aa.egā sab kuchh shahr ke bāzār meñ

har mahīne ḳhālī jebeñ ghar ko vo dikhlā.egā

tū havāoñ sā guzar dāman bachā kar raah se

phuul kā to kaam hai hañs hañs ke vo bahkā.egā

TukḌe TukḌe hoñge sūraj aur sitāre har taraf

kar ke tānDau show sabhī brhamāñD ko bikhrā.egā

us ke ġhusse se bagūle uTh raheñ haiñ dhuup meñ

garm dil sahrā jo bolā aag hī barsā.egā

ek hī chubhtā sā kāñTā un kī partoñ meñ nahīñ

phuul sī bāteñ haiñ us kī sab ko hī mahkā.egā

sun rahe hain koi tara sair karta aaega

jaane kya paigham dharti ke liye wo laega

phul ek din KHwahishon ka dhup mein kumhlaega

pattiyan bikhrengi us ki bij hi rah jaega

banT kar aaega sab kuchh shahr ke bazar mein

har mahine KHali jeben ghar ko wo dikhlaega

tu hawaon sa guzar daman bacha kar rah se

phul ka to kaam hai hans hans ke wo bahkaega

TukDe TukDe honge suraj aur sitare har taraf

kar ke tanDau show sabhi brhamanD ko bikhraega

us ke ghusse se bagule uTh rahen hain dhup mein

garm dil sahra jo bola aag hi barsaega

ek hi chubhta sa kanTa un ki parton mein nahin

phul si baaten hain us ki sab ko hi mahkaega