suna ki KHub hai uske dayar ka mausam

Rashid Anwar Rashid

suna ki KHub hai uske dayar ka mausam

Rashid Anwar Rashid

MORE BYRashid Anwar Rashid

    sunā ki ḳhuub hai us ke dayār mausam

    diloñ pe chhāne lagā phir ḳhumār mausam

    kabhī kabhī to badan ko pata nahīñ chaltā

    ki bāġh-e-rūh meñ kab aayā pyaar mausam

    maiñ us gulāb ko nārāz kar nahīñ saktā

    bhale ruuTh ke jaa.e bahār mausam

    ye ḳhauf dil meñ ubhartā hai dard sūrat

    badal na jaa.e kahīñ e'tibār mausam

    maiñ ḳhud bhī milne ko bechain huuñ ye jab se sunā

    mirī talāsh meñ hai intizār mausam

    tamām āb-o-havā meñ gulāl bikhrā hai

    ki rañg laayā hai us ke nikhār mausam

    khile hue haiñ umīdoñ ke phuul dil meñ magar

    guzar na jaa.e kahīñ intizār mausam

    baḌe maze se abhī tak guzar rahe haiñ din

    isī tarah rahe qaa.em ḳhumār mausam

    yahāñ kabhī bhī ḳhizāñ guzar nahīñ hogā

    yahāñ hamesha rahegā bahār mausam

    sukūn-e-qalb mayassar ho ḳhvāb puure hoñ

    kabhī to aa.e dil-e-be-qarār mausam

    kisī tarah bhī na inkār hai gunjā.ish

    ki hai uruuj pe qaul-o-qarār mausam

    vo achchhe-achchhoñ ko ḳhātir maiñ ab na laatā hai

    ki in dinoñ to hai us ke nikhār mausam

    suna ki KHub hai us ke dayar ka mausam

    dilon pe chhane laga phir KHumar ka mausam

    kabhi kabhi to badan ko pata nahin chalta

    ki bagh-e-ruh mein kab aaya pyar ka mausam

    main us gulab ko naraaz kar nahin sakta

    bhale hi ruTh ke jae bahaar ka mausam

    ye KHauf dil mein ubharta hai dard ki surat

    badal na jae kahin e'tibar ka mausam

    main KHud bhi milne ko bechain hun ye jab se suna

    meri talash mein hai intizar ka mausam

    tamam aab-o-hawa mein gulal bikhra hai

    ki rang laya hai us ke nikhaar ka mausam

    khile hue hain umidon ke phul dil mein magar

    guzar na jae kahin intizar ka mausam

    baDe maze se abhi tak guzar rahe hain din

    isi tarah rahe qaem KHumar ka mausam

    yahan kabhi bhi KHizan ka guzar nahin hoga

    yahan hamesha rahega bahaar ka mausam

    sukun-e-qalb mayassar ho KHwab pure hon

    kabhi to aae dil-e-be-qarar ka mausam

    kisi tarah bhi na inkar ki hai gunjaish

    ki hai uruj pe qaul-o-qarar ka mausam

    wo achchhe-achchhon ko KHatir main ab na lata hai

    ki in dinon to hai us ke nikhaar ka mausam

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY