suna raha tha koi apne dil ka haal mujhe

sunā rahā thā koī apne dil kā haal mujhe

na jaane kyoñ tirā aane lagā ḳhayāl mujhe

hujūm-e-ġham meñ bhī aayā yahī ḳhayāl mujhe

ki dekh le na ye duniyā fasurda-hāl mujhe

qarīb thā ki shikār-e-ġham-e-jahāñ hotā

bachā liyā tirī nazroñ ne bāl-bāl mujhe

tumhārā pyaar na miltā to koī baat na thī

qarīb aa ke bichhaḌne kā hai malāl mujhe

vo chand roz tire saath jo guzāre the

tamām 'umr unhī kā rahā ḳhayāl mujhe

bulandiyoñ se girūñgā to TuuT jā.ūñgā

mire rafīq ab itnā bhī mat uchhāl mujhe

isī tarah se guzārī hai zindagī maiñ ne

ki dostoñ ne kiyā mere pā.emāl mujhe

vo merā dost thā 'arshad' ki merā dushman thā

satā rahā hai abhī tak yahī savāl mujhe

suna raha tha koi apne dil ka haal mujhe

na jaane kyon tera aane laga KHayal mujhe

hujum-e-gham mein bhi aaya yahi KHayal mujhe

ki dekh le na ye duniya fasurda-haal mujhe

qarib tha ki shikar-e-gham-e-jahan hota

bacha liya teri nazron ne baal-baal mujhe

tumhaara pyar na milta to koi baat na thi

qarib aa ke bichhaDne ka hai malal mujhe

wo chand roz tere sath jo guzare the

tamam 'umr unhi ka raha KHayal mujhe

bulandiyon se girunga to TuT jaunga

mere rafiq ab itna bhi mat uchhaal mujhe

isi tarah se guzari hai zindagi main ne

ki doston ne kiya mere paemal mujhe

wo mera dost tha 'arshad' ki mera dushman tha

sata raha hai abhi tak yahi sawal mujhe