surKH-ru honge mohabbat mein hum insha-allah

surḳh-rū hoñge mohabbat meñ ham inshā-'allāh'

fat.h chūmegī hamāre qadam inshā-'allāh'

kabhī mahrūm na rakkheñge sitam se apne

ham pe farmā.eñge vo ye karam inshā-'allāh'

aa gayā hai hameñ har haal meñ hañste rahnā

ab kisī baat kā hogā na ġham inshā-'allāh'

shaiḳh jī saath hamārā nahīñ dete to na deñ

dil meñ pachhtā.eñge ḳhud mohtaram inshā-'allāh'

koī us shaḳhs ko bhūlā rahe chāhe barsoñ

yaad aa jā.egā vo ek dam inshā-'allāh'

bāda-e-nāb ke do ghūñT lagā lījiyegā

duur ho jā.eñge ranj-o-alam inshā-'allāh'

ham ne allāh se ummīd lagā.ī hai 'shu'ūr'

raam ho jā.egā ab vo sanam inshā-'allāh'

surKH-ru honge mohabbat mein hum insha-'allah'

fath chumegi hamare qadam insha-'allah'

kabhi mahrum na rakkhenge sitam se apne

hum pe farmaenge wo ye karam insha-'allah'

aa gaya hai hamein har haal mein hanste rahna

ab kisi baat ka hoga na gham insha-'allah'

shaiKH ji sath hamara nahin dete to na den

dil mein pachhtaenge KHud mohtaram insha-'allah'

koi us shaKHs ko bhula rahe chahe barson

yaad aa jaega wo ek dam insha-'allah'

baada-e-nab ke do ghunT laga lijiyega

dur ho jaenge ranj-o-alam insha-'allah'

hum ne allah se ummid lagai hai 'shu'ur'

ram ho jaega ab wo sanam insha-'allah'