surur-afza hui aaKHir sharab aahista aahista

Wahshat Raza Ali Kalkatvi

surur-afza hui aaKHir sharab aahista aahista

Wahshat Raza Ali Kalkatvi

MORE BYWahshat Raza Ali Kalkatvi

    surūr-afzā huī āḳhir sharāb āhista āhista

    huā vo bazm-e-mai meñ be-hijāb āhista āhista

    ruḳh-e-raushan se yuuñ uTThī naqāb āhista āhista

    ki jaise ho tulū-e-āftāb āhista āhista

    kiyā jab shauq ne us se ḳhitāb āhista āhista

    hayā ne bhī diyā āḳhir javāb āhista āhista

    vo mastī-ḳhez nazreñ rafta rafta le uḌiiñ mujh ko

    kiyā kāshāna-e-dil ko ḳharāb āhista āhista

    baḌhā hañgāma-e-shauq is qadar bazm-e-harīfāñ meñ

    ki ruḳhsat ho gayā us hijāb āhista āhista

    kiyā kāmil hameñ ik umr meñ soz-e-mohabbat ne

    hue ham ātish-e-ġham se kabāb āhista āhista

    abas thā zabt da.avā sitam us ke sitam nikle

    nigāheñ ho ga.iiñ āḳhir pur-āb āhista āhista

    dabistān-e-vafā meñ umr bhar safha-gardānī

    samajh meñ aa.ī ulfat kitāb āhista āhista

    ba-qadr-e-shauq use tāb-e-tapīdan thī kahāñ qātil

    kiyā bismil ne tere iztirāb āhista āhista

    balā haiñ shāhidān-e-shahr 'vahshat' mai-parastī meñ

    huā maiñ un sohbat meñ ḳharāb āhista āhista

    surur-afza hui aaKHir sharab aahista aahista

    hua wo bazm-e-mai mein be-hijab aahista aahista

    ruKH-e-raushan se yun uTThi naqab aahista aahista

    ki jaise ho tulu-e-aftab aahista aahista

    kiya jab shauq ne us se KHitab aahista aahista

    haya ne bhi diya aaKHir jawab aahista aahista

    wo masti-KHez nazren rafta rafta le uDin mujh ko

    kiya kashana-e-dil ko KHarab aahista aahista

    baDha hangama-e-shauq is qadar bazm-e-harifan mein

    ki ruKHsat ho gaya us ka hijab aahista aahista

    kiya kaamil hamein ek umr mein soz-e-mohabbat ne

    hue hum aatish-e-gham se kabab aahista aahista

    abas tha zabt ka dawa sitam us ke sitam nikle

    nigahen ho gain aaKHir pur-ab aahista aahista

    dabistan-e-wafa mein umr bhar ki safha-gardani

    samajh mein aai ulfat ki kitab aahista aahista

    ba-qadr-e-shauq use tab-e-tapidan thi kahan qatil

    kiya bismil ne tere iztirab aahista aahista

    bala hain shahidan-e-shahr 'wahshat' mai-parasti mein

    hua main un ki sohbat mein KHarab aahista aahista

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY