su-e-kalkatta jo hum ba-dil-e-diwana chale

Akhtar Shirani

su-e-kalkatta jo hum ba-dil-e-diwana chale

Akhtar Shirani

MORE BYAkhtar Shirani

    sū-e-kalkatta jo ham ba-dil-e-dīvāna chale

    gungunāte hue ik shoḳh afsāna chale

    shahr-e-salmā hai sar-e-rāh ghaTā.eñ hamrāh

    sāqiyā aaj to daur-e-mai-o-paimāna chale

    is tarah rail ke hamrāh ravāñ hai bādal

    saath jaise koī uḌtā huā mai-ḳhāna chale

    shahr-e-jānāñ meñ utarne thī ham par qadġhan

    yuuñ chale jaise koī shahr se begāna chale

    garche tanhā the magar un ke tasavvur ke nisār

    apne ham-rāh liye ek parī-ḳhāna chale

    khel ummīd ke dekho ki na un ko ḳhabar

    phir bhī ham muntazir-e-jalva-e-jānāna chale

    un paiġhām na laa.e hoñ ye rañgīñ bādal

    varna kyuuñ saath mire be-ḳhud o mastāna chale

    ghar se ba-ishrat-e-shāhāna ham aa.e the magar

    un ke kūche se chale jab to faqīrāna chale

    bādalo ḳhidmat-e-salmā meñ ye kah do kar

    ki tire shahr meñ ham aa ke ġharībāna chale

    hasrat o shauq ke aalam meñ chale yuuñ 'aḳhtar'

    muskurātā huā jaise koī dīvāna chale

    su-e-kalkatta jo hum ba-dil-e-diwana chale

    gungunate hue ek shoKH ka afsana chale

    shahr-e-salma hai sar-e-rah ghaTaen hamrah

    saqiya aaj to daur-e-mai-o-paimana chale

    is tarah rail ke hamrah rawan hai baadal

    sath jaise koi uDta hua mai-KHana chale

    shahr-e-jaanan mein utarne ki thi hum par qadghan

    yun chale jaise koi shahr se begana chale

    garche tanha the magar un ke tasawwur ke nisar

    apne ham-rah liye ek pari-KHana chale

    khel ummid ke dekho ki na ki un ko KHabar

    phir bhi hum muntazir-e-jalwa-e-jaanana chale

    un ka paigham na lae hon ye rangin baadal

    warna kyun sath mere be-KHud o mastana chale

    ghar se ba-ishrat-e-shahana hum aae the magar

    un ke kuche se chale jab to faqirana chale

    baadalo KHidmat-e-salma mein ye kah do ja kar

    ki tere shahr mein hum aa ke gharibana chale

    hasrat o shauq ke aalam mein chale yun 'aKHtar'

    muskuraata hua jaise koi diwana chale

    RECITATIONS

    Khalid Mubashshir

    Khalid Mubashshir

    Khalid Mubashshir

    su-e-kalkatta jo hum ba-dil-e-diwana chale Khalid Mubashshir

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY